---
title: "നിയന്ത്രണം വിട്ട ഇന്നോവ വാഹനങ്ങളിലേക്ക് ഇടിച്ചുകയറി, അപകടത്തിൽപ്പെട്ടത് അഞ്ച് വാഹനങ്ങൾ; ആറ് പേർക്ക് പരിക്ക്"
english_title: "Accident involving three cars, an autorickshaw and a scooter in Ayyankavu"
publisher: "truevisionnews.com"
canonical_url: "https://truevisionnews.com/news/302331/accident-involving-three-cars-an-autorickshaw-and-a-scooter-in-ayyankavu"
published_at: "2025-07-13T19:34:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6873bd279982b_auto.jpg"
keywords: []
---

# നിയന്ത്രണം വിട്ട ഇന്നോവ വാഹനങ്ങളിലേക്ക് ഇടിച്ചുകയറി, അപകടത്തിൽപ്പെട്ടത് അഞ്ച് വാഹനങ്ങൾ; ആറ് പേർക്ക് പരിക്ക്

> **Lead Summary:** **എറണാകുളം: **അയ്യങ്കാവിൽ മൂന്നു കാറും ഒരു ഓട്ടോറിക്ഷയും സ്കൂട്ടറും കൂട്ടിയിടിച്ച് അപകടം. ആറുപേർക്ക് പരിക്കേറ്റു. ഇവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിന്റെ സിസിടിവി ദൃശ്യങ്ങൾ പുറത്തുവന്നു.

## Article Content

**എറണാകുളം: **അയ്യങ്കാവിൽ മൂന്നു കാറും ഒരു ഓട്ടോറിക്ഷയും സ്കൂട്ടറും കൂട്ടിയിടിച്ച് അപകടം. ആറുപേർക്ക് പരിക്കേറ്റു. ഇവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിന്റെ സിസിടിവി ദൃശ്യങ്ങൾ പുറത്തുവന്നു.

ഞായറാഴ്ച വൈകിട്ട് നാലുമണിയോടെയായിരുന്നു അപകടം. കോതമം​ഗലം ഭാ​ഗത്തേക്ക് വന്ന ഇന്നോവ കാർ നിയന്ത്രണം വിട്ട് മറ്റു വാഹനങ്ങളിൽ ഇടിക്കുകയായിരുന്നു. നിയന്ത്രണം നഷ്ടപ്പെട്ട് അമിതവേ​ഗതയിലെത്തിയ ഇന്നോവ എതിർദിശയിൽ വന്ന ഒരു കാറിലേക്കും ഓട്ടോറിക്ഷയിലേക്കും മറ്റൊരു കാറിലേക്കും ഇടിച്ചു കയറി. ഒരു സ്കൂട്ടറും അപകടത്തിൽപ്പെട്ടു.

മറ്റൊരു സംഭവത്തിൽ മലപ്പുറം മങ്കടയിൽ തെരുവുനായ കുറുകെ ചാടി ഓട്ടോറിക്ഷ മറിഞ്ഞ് ഡ്രൈവർക്ക് ദാരുണാന്ത്യം . മങ്കട കർക്കിടകത്ത് ഇന്ന് രാവിലെയോടെയായിരുന്നു അപകടം. ഓട്ടോ ഡ്രൈവർ വെള്ളില സ്വദേശി നൗഫൽ ( 40 ) ആണ് മരിച്ചത് . തെരുവ് നായ ഇടിച്ചതൊടെ ഓട്ടോറിക്ഷ നിയന്ത്രണം വിട്ട് മറിയുകയായിരുന്നു. ഓട്ടോയിലെ യാത്രക്കാർക്ക് പരിക്കേറ്റു. തലയടിച്ചു വീണാണ് നൗഫൽ മരണപ്പെട്ടത്. മൃതദേഹം മഞ്ചേരി മെഡിക്കൽ കോളജ് ആശുപത്രിയിലേക്ക് മാറ്റി.

### Related Links & Sources
- [Original Story Source](https://truevisionnews.com/news/302331/accident-involving-three-cars-an-autorickshaw-and-a-scooter-in-ayyankavu)