കൊച്ചി: (truevisionnews.com) രാജ്യമെമ്പാടുമുള്ള ലുലു സ്റ്റോറുകളിൽനിന്ന് ഗൃഹോപകരണങ്ങൾ, ഇലക്ട്രോണിക്സ്, ഫർണിച്ചർ, ഫാഷൻ ഐറ്റങ്ങൾ തുടങ്ങിയവ വാങ്ങുന്നവർക്ക് 10 ശതമാനം കിഴിവ് നൽകി ഫെഡറൽ ബാങ്ക്. ബാങ്കിന്റെ ക്രെഡിറ്റ് കാർഡ് ഉപയോഗിച്ച് തവണ വ്യവസ്ഥയിൽ സാധനങ്ങൾ വാങ്ങുന്നവർക്കാണ് ഓഫർ ലഭിക്കുക.
ഫെഡറൽ ബാങ്ക് ആരംഭിച്ച 'സേവിങ്സ് കി വിദ്യ' ക്യാംപെയിനിന്റെ ഭാഗമായുള്ള ഓഫർ ജൂൺ 30 വരെ ലഭിക്കും. ഓഫർ ലഭിക്കാനായി പർച്ചേസ് ചെയ്യേണ്ട കുറഞ്ഞ തുക 5000 രൂപയാണ്. ഡിസ്‌കൗണ്ട് തുക പരമാവധി 5000 രൂപ. ഫെഡറൽ ബാങ്ക് ഇടപാടുകാർക്ക് ലുലു മാളിലെ ഷോപ്പിംഗ് അനുഭവം മികച്ചതാക്കാൻ വേണ്ടിയാണ് ഇത്തരമൊരു ഓഫർ അവതരിപ്പിച്ചതെന്ന് ബാങ്കിന്റെ ചീഫ് മാർക്കറ്റിംഗ് ഓഫീസർ എം വി എസ് മൂർത്തി പറഞ്ഞു.
.gif)
ഫെഡറൽ ബാങ്ക് കാർഡ് ഓരോ തവണ ഉപയോഗിക്കുമ്പോഴും സേവ് ചെയ്യാനുള്ള അവസരമാണ് ഒരുക്കിയിരിക്കുന്നത്. വലിയ തുക ചെലവാക്കുമ്പോൾ ഉടനടി ലഭിക്കുന്ന ഇളവുകൾ പർച്ചേയ്‌സുകളെ ആകർഷകമാക്കുന്നു. താങ്ങാനാവുന്ന വിലയിൽ വൈവിധ്യപൂർണമായ സാധനങ്ങൾ ഒരു കുടക്കീഴിൽ അണിനിരത്തി, ഇടപാടുകാർക്ക് മികച്ച ഷോപ്പിംഗ് അനുഭവം ഉറപ്പാക്കുന്നതാണ് ഫെഡറൽ ബാങ്കുമായുള്ള സഹകരണമെന്നു ലുലു ഗ്രൂപ്പ് റീട്ടെയിൽ മാർക്കറ്റിംഗ് ഹെഡ് പ്രിയ മേനോൻ ചെല്ലപ്പൻ പറഞ്ഞു. കൂടുതൽ വിവരങ്ങൾക്ക് ഫെഡറൽ ബാങ്ക് വെബ്സൈറ്റ് www.federalbank.co.in സന്ദർശിക്കുക.
Federal Bank customers get 10 percent 'instant discount' Lulu stores
