ആലപ്പുഴ: ( www.truevisionnews.com ) ആലപ്പുഴ ജില്ലയിൽ കോവിഡ് കുതിക്കുന്നു. രോഗികളുടെ എണ്ണം 198 കടന്നു. വ്യാഴാഴ്ച മാത്രം 32 പേർക്കാണ് രോഗം സ്ഥിരീകരിച്ചത്. ആന്‍റിജൻ പരിശോധന കൂട്ടിയതോടെയാണ് രോഗബാധിതർ വർധിച്ചത്. ബുധനാഴ്ച നടത്തിയ പരിശോധയിലും 24 പേർക്ക് രോഗം കണ്ടെത്തിയിരുന്നു.
ഈ സാഹചര്യത്തിൽ പ്രധാന ആശുപത്രികളിൽ കോവിഡ് ബാധിതരെ പ്രവേശിപ്പിക്കാൻ പ്രത്യേക വാർഡുകൾ സജ്ജമാക്കിയിട്ടുണ്ട്. ആശുപത്രികളിൽ സന്ദർശകർക്കും നിയന്ത്രണം ഏർപ്പെടുത്തി. മാസ്ക് ധരിക്കാതെ എത്തുന്നവരെ തിരിച്ചയക്കും. ജില്ലയിലെ വിവിധയിടങ്ങളിൽ ചികിത്സയിലുള്ളവരുടെ ആരോഗ്യനില തൃപ്തികരമാണെന്നാണ് ആരോഗ്യ വകുപ്പിന്‍റെ വിലയിരുത്തൽ.
.gif)
COVID spreading Alappuzha district
