നോയിഡ: ( www.truevisionnews.com ) നോയിഡയിലെ സെക്ടർ 41 -ലെ അഘാപൂരിൽ തിരക്കേറിയ റോഡിന്റെ മധ്യത്തിൽ കാർ പാർക്ക് ചെയ്ത ശേഷം ബിയർ വാങ്ങാനായി പോയി യുവാവ്. പിന്നാലെ പിഴയുമായി അധികൃതർ.
റെഡ് സിഗ്നൽ ഉള്ള സമയത്താണ് ഇയാൾ കാർ നിർത്തി മദ്യം വാങ്ങാൻ പോയത്. എന്നാൽ, ഗ്രീൻ സിഗ്നൽ തെളിഞ്ഞിട്ടും ഇയാൾ തിരികെ എത്തിയില്ല. തുടർന്ന് ഇയാളുടെ വാഹനത്തിന്റെ പിന്നിൽ ഉണ്ടായിരുന്ന മറ്റ് വാഹനങ്ങൾ തുടരെ ഹോണടിക്കുകയായിരുന്നു.
.gif)
മാത്രമല്ല, ഗ്രീൻ സിഗ്നലായിട്ടും പല വാഹനങ്ങൾക്കും കടന്നു പോകാൻ കഴിയാതെ ഇയാളുടെ വാഹനത്തിന്റെ പിന്നിൽ നിൽക്കേണ്ടി വന്നു. ഇതോടെ ദേഷ്യം വന്ന മറ്റൊരു യാത്രക്കാരനാണ് സംഭവം വീഡിയോയിൽ പകർത്തിയത്. വീഡിയോ സോഷ്യൽ മീഡിയയിൽ വൈറലാവുകയാണ്. വീഡിയോയിൽ തിരക്കേറിയ റോഡിൽ ഒരു കാർ നിർത്തിയിട്ടിരിക്കുന്നത് കാണാം. അതിന്റെ മുന്നിലും പിന്നിലുമായി ഒരുപാട് വാഹനങ്ങൾ വേറെയും നിർത്തിയിട്ടിട്ടുണ്ട്.
https://x.com/nitin_panwar07/status/1928753689650413897
ഗ്രീൻ സിഗ്നൽ വന്നതോടെ ആളുകൾ അസ്വസ്ഥരാവുകയാണ്. പിന്നാലെ അവർ തുടരെത്തുടരെ ഹോണടിച്ചു. എങ്കിലും കാറിന്റെ ഉടമ വരികയോ കാറെടുത്ത് മാറ്റുകയോ ചെയ്യുന്നതായി കാണുന്നില്ല.
പിന്നാലെ, റോഡിൽ നിന്നും അധികം ദൂരത്തല്ലാതെ നിൽക്കുന്നൊരു ബിയർ ഷോപ്പും വീഡിയോയിൽ കാണിക്കുന്നതായി കാണാം. വീഡിയോ വൈറലായതിന് പിന്നാലെ നോയിഡ ട്രാഫിക് പൊലീസ് ഡ്രൈവർക്കെതിരെ നടപടി സ്വീകരിച്ചു. ഗതാഗത തടസ്സം സൃഷ്ടിച്ചതിനും റോഡ് നിയമങ്ങൾ ലംഘിച്ചതിനും ഡ്രൈവർക്ക് 2,500 രൂപ പിഴ ചുമത്തുകയും ചെയ്തു.
man stop car red light buy beer noida fined
.jpg)
.jpeg)
