ന്യൂ ഡല്‍ഹി: ( www.truevisionnews.com ) ഡല്‍ഹിയില്‍ സുഹൃത്തുക്കള്‍ തമ്മില്‍ പരസ്പരം കുത്തി കൊലപ്പെടുത്തി. പടിഞ്ഞാറന്‍ ഡല്‍ഹിയിലെ തിലക് നഗറിലാണ് സംഭവം. സംഭവത്തില്‍ രണ്ട് ആണ്‍കുട്ടികള്‍ കൊല്ലപ്പെട്ടു. ആരിഫ്, സന്ദീപ് എന്നീ പേരുള്ള രണ്ട് പേരാണ് കൊല്ലപ്പെട്ടത്. തിലക് നഗറിലെ ഒരു പാര്‍ക്കിൽ ഇന്ന് പുലർച്ചെയാണ് കത്തികുത്ത് ഉണ്ടായത്.
ഖ്യാല ബി ബ്ലോക്കില്‍ താമസിച്ചിരുന്ന കൊല്ലപ്പെട്ട ആരിഫും സന്ദീപും ബന്ധുകള്‍ ആയിരുന്നു. ഇരുവരും തമ്മില്‍ നല്ല സൗഹൃദവുമുണ്ടായിരുന്നു. പാര്‍ക്കില്‍ കത്തിയുമായി വന്ന ഇരുവരും തര്‍ക്കത്തിനിടയില്‍ പരസ്പരം കുത്തി പരിക്കേല്‍പ്പിക്കുകയായിരുന്നു. സന്ദീപിന് വസ്തു ബിസിനസ്സ് ഉണ്ടായിരുന്നു ഇതുമായി ബന്ധപ്പെട്ട എന്തെങ്കിലും സംഭവമാണോ കൊലപാതകത്തിലേക്ക് നയിച്ചതെന്ന് പൊലീസ് അന്വേഷിച്ച് വരികയാണ്.
.gif)
കൊലപാതകത്തിനുള്ള ശിക്ഷ (ഭാരതീയ ന്യായ സംഹിത പ്രകാരം)
- BNS സെക്ഷൻ 101 (മുൻപ് IPC സെക്ഷൻ 302): കൊലപാതകത്തിനുള്ള ശിക്ഷയെക്കുറിച്ചാണ് ഇത് പ്രതിപാദിക്കുന്നത്.
- മരണശിക്ഷ (Death Penalty): ഏറ്റവും ഗുരുതരമായ കൊലപാതകങ്ങൾക്കും "അപൂർവത്തിൽ അപൂർവമായ" (rarest of rare) കേസുകളിലും ഇത് നൽകാവുന്നതാണ്.
- ജീവപര്യന്തം തടവ് (Imprisonment for Life): മിക്ക കൊലപാതക കേസുകളിലും നൽകുന്ന പ്രധാന ശിക്ഷയാണിത്.
- പിഴ (Fine): തടവ് ശിക്ഷയോടൊപ്പം പിഴയും ഈടാക്കാവുന്നതാണ്.
- കൂട്ടക്കൊല (Lynching) (BNS സെക്ഷൻ 103(2)): അഞ്ച് അതിലധികമോ ആളുകൾ ഒരുമിച്ചു ചേർന്ന് വംശം, ജാതി, മതം, ലിംഗഭേദം, ജന്മസ്ഥലം, ഭാഷ, വ്യക്തിപരമായ വിശ്വാസം അല്ലെങ്കിൽ മറ്റേതെങ്കിലും കാരണങ്ങളാൽ കൊലപാതകം നടത്തിയാൽ, ആ സംഘത്തിലെ ഓരോ അംഗത്തിനും മരണശിക്ഷയോ, ജീവപര്യന്തം തടവോ അല്ലെങ്കിൽ കുറഞ്ഞത് ഏഴ് വർഷത്തിൽ കുറയാത്ത തടവോ ലഭിക്കുന്നതാണ്.
- ജീവപര്യന്തം തടവ് അനുഭവിക്കുന്ന തടവുകാരൻ കൊലപാതകം ചെയ്താൽ (BNS സെക്ഷൻ 104): ജീവപര്യന്തം തടവ് ശിക്ഷ അനുഭവിക്കുന്ന ഒരാൾ കൊലപാതകം ചെയ്താൽ, അയാൾക്ക് മരണശിക്ഷ ലഭിക്കാം.
Friends stabbed each other to death in Delhi
