പത്തനംതിട്ട: (truevisionnews.com) ക്രിമിനൽ പശ്ചാത്തലം പരിഗണിച്ച് സിപിഎം പുറത്താക്കിയ മുൻ ബ്രാഞ്ച് സെക്രട്ടറിക്കെതിരേ കാപ്പാ. മലയാലപ്പുഴ സ്വദേശി അർജുൻദാസിനെതിരേയാണ് കാപ്പ ചുമത്തി ഡിെഎജി ഉത്തരവിറക്കിയത്. ഇതുപ്രകാരം ഇയാളുെട സഞ്ചാരവിവരങ്ങൾ എല്ലാ ശനിയാഴ്ചയും പത്തനംതിട്ട ഡിവൈഎസ്‌പി ഓഫീസിൽ അറിയിക്കണം. ഈ കാലയളവിൽ മറ്റ് കുറ്റകൃത്യങ്ങളിൽ ഏർപ്പെടാനും പാടില്ല.
മാർഗനിർദ്ദേശം ലംഘിക്കുന്നപക്ഷം കാപ്പാ നിയമം പ്രകാരം പ്രോസിക്യൂഷൻ നടപടി നേരിടേണ്ടിയും വരും. ഒട്ടേറെക്കേസുകളിൽ പ്രതിയായ അർജുൻ ദാസിനെ ആറുമാസം മുമ്പാണ് സിപിഎം പുറത്താക്കിയത്. ഇയാൾക്കെതിരേ ജില്ലയിലെ അഞ്ചോളം പോലീസ് സ്റ്റേഷനുകളിൽ കേസുകളുണ്ടെന്ന വിവരത്തെ തുടർന്നായിരുന്നു പാർട്ടിയുടെ അച്ചടക്ക നടപടി.
.gif)
CPM charges former branch secretary with Kappa
