കൊല്ലം: (truevisionnews.com) കേരള ക്ഷീരകർഷക ക്ഷേമനിധി ബോർഡിന്റെ ‘ക്ഷീരദീപം’ പദ്ധതിയിലെ വിദ്യാഭ്യാസ ധനസഹായത്തുക 1,000 രൂപകൂടി കൂടും. തുക കൂട്ടാനുള്ള ക്ഷേമനിധി ബോർഡ് തീരുമാനത്തിന് സർക്കാർ അംഗീകാരം നൽകി. ക്ഷീരകർഷക ക്ഷേമനിധിയിൽ അംഗങ്ങളായവരുടെ മക്കളിൽ പത്താം ക്ലാസ്‌മുതൽ പിജിവരെ മികച്ച വിജയം നേടുന്നവർക്കാണ് ആനുകൂല്യം.
നിലവിൽ അനുമതി നൽകിയിട്ടുള്ള എല്ലാ കോഴ്സുകൾക്കും ധനസഹായത്തുക വർധിക്കും. പത്താംക്ലാസിൽ 1000 രൂപ, പ്ലസ്ടു 1500, ബിരുദം 2000, പിജി/ പ്രൊഫഷണൽ ബിരുദം 2500 എന്നിങ്ങനെയാണ് നിലവിലെ ധനസഹായം.ഡിപ്ലോമ, ഐടിഐ, ടിടിസി തുടങ്ങിയ വിദ്യാഭ്യാസ യോഗ്യതകൾക്ക് 1,750 രൂപയും ധനസഹായം നൽകുന്നുണ്ട്. എല്ലാ ആനുകൂല്യത്തിലും ആയിരം രൂപയുടെ വർധനയുണ്ടാകും.
Ksheeradeepam Project Government decides increase financial assistance students
