(truevisionnews.com) ചിന്നിച്ചിതറി ഒഴുകുന്ന മണ്ണാർക്കാട്ടിലെ കുന്തിപ്പുഴയുടെ കൈവരി.പണ്ട് കുന്തീദേവി പാത്രങ്ങൾ മറന്നുവെച്ചെന്ന ഐതീഹ്യം.
ഉറങ്ങുന്ന മണ്ണിൽ നിലകൊള്ളുന്ന ഇരുവശവും വന്യതയാൽ സമ്പന്നമായ പാത്രക്കടവ് വെള്ളച്ചാട്ടത്തിലേക്കാവാം ഈ വേനലവധിക്കൊരു യാത്ര.
മനസ്സും ശരീരവും എല്ലാമൊന്ന് തണുപ്പിച്ചിട്ട് തിരിച്ച്‌ വരാം.....
പാലക്കാട് ജില്ലയിലെ സൈലൻറ് വാലി വനമേഖലപരിധിയിൽ സ്ഥിതിചെയ്യുന്ന വെള്ളച്ചാട്ടമാണ് പാത്രക്കടവ് വെള്ളച്ചാട്ടം.
വേനൽക്കാലത്ത് ഒരുപാട് സന്ദർശകർ എത്തിച്ചേരുന്ന ഈ വെള്ളച്ചാട്ടം മനോഹരമായ പ്രകൃതിഭംഗിയാൽ ശ്രദ്ധേയമാണ്. പാത്രക്കടവ് കുരുത്തിച്ചാലിൽ ആണ് ഈ വെള്ളച്ചാട്ടം സ്ഥിതി ചെയ്യുന്നത്.
കുന്തിപ്പുഴ നദിയുടെ ഭാഗമായ ഈ വെള്ളച്ചാട്ടത്തെ വ്യത്യസ്തമാക്കുന്നത് അതിന്റെ കുളിർമയും ഉരുളൻ കല്ലുകളും പ്രകൃതിയാൽ സമ്പന്നമായ അന്തരീക്ഷവുമാണ്.
ജില്ലയുടെ നാനാഭാഗത്തുനിന്നും ചൂടേറുന്ന വേനലവധിക്കാലത്ത് ആയിരക്കണക്കിന് സഞ്ചാരികൾ കുളിർമ തേടി ഇവിടെയെത്തുന്നുണ്ട്. വെള്ളച്ചാട്ടത്തിനു സമീപം പാർക്കിങ് സൗകര്യം ഏർപ്പെടുത്തിയിട്ടുണ്ട്.
മണ്ണാർക്കാട് ടൗണിൽ നിന്നും 11 കിലോമീറ്റർ ദൂരത്തിൽ സ്ഥിതിചെയ്യുന്ന ഈ വെള്ളച്ചാട്ടത്തിലേക്കെത്തുന്നതിങ്ങനെ.....
പാലക്കാട് ഭാഗത്തു നിന്നും മണ്ണാർക്കാട് വഴി വരുന്ന സന്ദർശകർ മണ്ണാർക്കാട് നിന്നും മൈലാംപാടം - പള്ളിക്കുന്ന് റോഡ് മാർഗം തിരഞ്ഞെടുത്താൽ കുരുത്തിച്ചാൽ റോഡ് വഴി എത്തിച്ചേരാവുന്നതാണ്.
കോഴിക്കോട് ഭാഗത്തു നിന്നും മണ്ണാർക്കാട് വഴി വരുന്ന സന്ദർശകർ മേലാറ്റൂർ-മണ്ണാർക്കാട് വഴി മൈലാംപാടം-പള്ളിക്കുന്ന് റോഡ് മാർഗം സഞ്ചരിച്ച് കുരുത്തിച്ചാൽ വഴി വെള്ളച്ചാട്ടത്തിനടുത്ത് എത്താവുന്നതാണ്.
#waterfall #caressing #cobblestones #trip #Patrakadav #Falls #Mannarkkad?
