തിരുവനന്തപുരം: (truevisionnews.com) " പാറമടയിലെ തൊഴിലാളികൾ , തെരുവിലെ കച്ചവടം അടിസ്ഥാന വിഭാഗങ്ങളുടെ ജീവിതാനുഭവങ്ങൾ വരയിൽ വർണ്ണിച്ച് ഹയർ സെക്കൻഡറി വിഭാഗം ചിത്ര രചന (പെൻസിൽ), ഓയിൽ കളറിംഗ് എന്നീ മത്സരങ്ങളിൽ തിരുവനന്തപുരം കോട്ടൺ ഹിൽ ജി ജി ഹയർ സെക്കൻഡറിയിലെ പ്ലസ് വൺ വിദ്യാർത്ഥിനി അലീന എ പി എ ഗ്രേഡ് നേടി.
പൂജപ്പുര സ്വദേശിയും നിർമ്മാണ തൊഴിലാളിയുമായ പ്രസന്നൻ്റെയും ആൻസിയുടേയും മകളാണ്.
കഴിഞ്ഞ വർഷം കൊല്ലം സംസ്ഥാന കലോത്സവത്തിലും ഓയിൽ കളറിംഗിൽ എ ഗ്രേഡ് നേടിയിരുന്നു. പരിശീലകരുടെ സഹായമില്ലാതെ സ്വപ്രയ്തനത്തിലൂടെ അലീന ഈ നേട്ടങ്ങളെല്ലാം സ്വന്തമാക്കിയത്.
2019 ൽ ശിശുദിന സ്റ്റാമ്പ് തയ്യാറാക്കാൻ അവസരം ലഭിച്ചിരുന്നു. ആലപ്പുഴയിൽ നടന്ന സംസ്ഥാന ശാസ്ത്ര ഐ ടി മേളയിൽ ഡിജിറ്റൽ പെയിൻ്റിംഗിൽ എ ഗ്രേഡ് നേടിയിട്ടുണ്ട്.
ദേശീയ ഊർജ്ജ സംരക്ഷണ വകുപ്പിൻ്റെ നേതൃത്വത്തിൽ ഡൽഹിയിൽ നടന്ന പെയിൻ്റിംഗ് മത്സരത്തിലും അലീന പങ്കെടുത്തിരുന്നു
#Alina #paints #burning #lives #line
.jpg)
