നമ്മളിലധികം പേരും വയനാടിന്റെ മുക്കും മൂലയും അരിച്ചുപ്പെറുക്കിയവരായിരിക്കും.എന്നാൽ വയനാട് ചില രത്നങ്ങള് ഒളിപ്പിച്ചുവച്ചിട്ടുണ്ട്.
അങ്ങനെ പെട്ടെന്നൊന്നും ആരുടേയും കണ്ണില്പ്പെടാതെ വയനാടന് സൗന്ദര്യം മുഴുവന് ആവാഹിച്ച ആ പ്രദേശമാണ് നെല്ലാറച്ചാൽ.
പച്ചപുതച്ച മൊട്ടക്കുന്നുകളും അവയെച്ചുറ്റുന്ന കാരാപ്പുഴ ജലാശയത്തിന്റെ മനോഹാരിതയുമാണ് നെല്ലാറച്ചാല് വ്യൂ പോയതിന്റെ ഹൈലൈറ്.
കാരാപ്പുഴ റിസര്വോയറിന്റെ മനോഹരമായ പശ്ചാത്തലത്തില് നിന്ന് യാത്ര ആരംഭിക്കാം.
ഈ ഗ്രാമത്തിലേക്കുള്ള യാത്ര സംഘടിപ്പിക്കുന്നത് കേരള ടൂറിസം ആയതിനാല് നെല്ലാറച്ചാലിന്റെ മുക്കും മൂലയും പരിചയപ്പെടുത്താന് സഞ്ചാരികള്ക്കൊപ്പം ഒരു ഗൈഡുമുണ്ടാകും.
ടൂറിസം കേന്ദ്രമായി അംഗീകരിച്ചിട്ടില്ലെങ്കിലും നൂറുകണക്കിനാളുകളാണ് ദിവസവും നെല്ലാറച്ചാലില് എത്തുന്നത്.
അവധിദിനങ്ങളിലും ശനി, ഞായര് ദിവസങ്ങളിലും ധാരാളംപേര് ഇവിടേക്കെത്തുന്നുണ്ട്.
ക്രിസ്മസ് ദിനത്തില് നെല്ലാറച്ചാല് സന്ദര്ശകരെക്കൊണ്ട് നിറഞ്ഞു. നഗരത്തിരക്കില്നിന്നുമാറി ശാന്തമായി ആസ്വദിക്കാന് കുടുംബസമേതമാണ് സഞ്ചാരികളെത്തുന്നത്. വൈകുന്നേരങ്ങളിലാണ് തിരക്ക്.
ഞാമലം കുന്നിനരികിലെ മൊട്ടക്കുന്നില് ആ ജലാശയത്തിനരികിലെ ശാന്തതയിലിരുന്ന് മീന്പിടിത്തവും ഗ്രാമീണരുടെ ജീവിതരീതികളും ആസ്വദിക്കാനെത്തുന്നവര് ഏറെയാണ്.
ഗോത്രവര്ഗക്കാര് അധിവസിക്കുന്നിടത്ത് നഗരത്തിന്റെ തിരക്കുകളേതുമില്ലാതെ നമുക്ക് കുറേ സമയം ചെലവഴിയ്ക്കാം. ആല്ബം, വിവാഹ ഫോട്ടോഷൂട്ട് എന്നിവയുടെ പ്രധാന ലൊക്കേഷനാണ് ഇവിടം. കുന്നിന്ചെരുവില് ഓഫ് റോഡ് ഡ്രൈവിങ് ആസ്വദിക്കാനെത്തുന്നവരും ഏറെ.
ഡിസംബറിലെ തണപ്പൂകൂടിയാകുമ്പോള് നെല്ലാറയിലെ വൈബ് വേറെ ലെവലാകും.
അമ്പലവയല്-മീനങ്ങാടി റോഡ് വഴി സഞ്ചരിച്ചാൽ നെല്ലറച്ചാലില് വെറും 35 മിനിറ്റു കൊണ്ട് എത്താൻ സാധിക്കും. വാര്യാട്-കൊളവയല് റോഡ് വഴി ആണേൽ 50 മിനിറ്റും എടുക്കും.
#Wayanad #village #surrounded #water #Nellarachal
