.jpg)
(truevisionnews.com) വൈകുന്നേരം ചൂട് ചായയോടൊപ്പം കഴിക്കാൻ മുട്ട കട്ട്ലറ്റ് ആയാലോ ... എങ്ങനെയാണ് വളരെ എളുപ്പത്തിൽ മുട്ട കട്ട്ലറ്റ് തയ്യാറാകാം എന്ന് നോക്കാം ...
ചേരുവകൾ
മുട്ട പുഴുങ്ങിയത് - 4
ഉരുളക്കിഴങ്ങ് പുഴുങ്ങിയത്- 2 ഇടത്തരം
വെളുത്തുള്ളി അരച്ചത് - 1 ടേബിൾ സ്‌പൂൺ
ജീരകം - 1 ടേബിൾ സ്‌പൂൺ
പച്ചമുളക് ചെറുതായി അരിഞ്ഞത് - 1 ടേബിൾ സ്‌പൂൺ
മല്ലിയില ചെറുതായി അരിഞ്ഞത് - 1 ടേബിൾ സ്‌പൂൺ
ഗരം മസാല പൊടി - 1 ടേബിൾ സ്‌പൂൺ
ഇഞ്ചി പേസ്റ്റ് - 1 ടേബിൾസ്‌പൂൺ
നാരങ്ങാ നീര് - 1 ടേബിൾ സ്‌പൂൺ
ഉപ്പ് - ആവശ്യത്തിന്
ബ്രഡ് പൊടിച്ചത്
എണ്ണ - വറുക്കാൻ ആവശ്യത്തിന്
പുതിനയില
തയ്യാറാക്കുന്നവിധം
പുഴുങ്ങിയ ഉരുളക്കിഴങ്ങ് ഒരു പാത്രത്തിൽ എടുക്കുക. അതിലേക്ക് മൂന്ന് പുഴുങ്ങിയ മുട്ടകൾ ഗ്രേറ്റ് ചെയ്ത് ചേർക്കുക.
ഒരു മുട്ട മുറിച്ചും മാറ്റി വെക്കുക. ഇഞ്ചി പേസ്റ്റ്, വെളുത്തുള്ളി പേസ്റ്റ്, പച്ചമുളക്, മല്ലിയില, ഗരം മസാല,നാരങ്ങ നീര്, ഉപ്പ്, ബ്രഡ് പൊടിച്ചത് എന്നിവ നന്നായി യോജിപ്പിക്കുക.
കട്ട്ലറ്റിന്റെ രൂപത്തിൽ ഈ മിശ്രിതം ഓരോന്നായി മാറ്റി വെക്കുക. ഒരു നോൺ സ്റ്റിക് തവയിൽ വറുക്കാൻ ആവശ്യമായ എണ്ണ ഒഴിക്കുക. ഷേപ്പ് ചെയ്തു വെച്ചിരിക്കുന്ന കട്ട്ലറ്റുകൾ ഓരോന്നായി എണ്ണയിൽ ഇടുക.
ഇളം സ്വർണ നിറമാകുന്നതു വരെ മൂപ്പിക്കുക. മുറിച്ച് വെച്ചിരിക്കുന്ന മുട്ടയും പുതിനയിലയും കട്ട്ലറ്റുകൾക്ക് ഒപ്പം വെച്ച് അലങ്കരിക്കാം. സ്വാദിഷ്ടമായ മുട്ട കട്ട്ലറ്റ് കെച്ചപ്പിനൊപ്പം കഴിക്കാം.
#Egg #cutlets #very #easy #prepare
