.jpeg)
മുംബൈ: (truevisionnews.com)ഭാര്യയുമായുള്ള വഴക്കിന് പിന്നാലെ വീട്ടില്‍നിന്ന് പുറത്തേക്ക് പോയ യുവാവിനെ പുഴയില്‍ മരിച്ചനിലയില്‍ കണ്ടെത്തി. പുണെ ധന്‍കവഡി സ്വദേശി ശ്രീകാന്ത് വി.ദേശ്മുഖിനെയാണ് കിലോമീറ്ററുകള്‍ക്ക് അകലെ പുഴയില്‍ മരിച്ചനിലയില്‍ കണ്ടെത്തിയത്.
യുവാവ് പുഴയില്‍ ചാടി ജീവനൊടുക്കിയെന്നാണ് പോലീസിന്റെ നിഗമനം. ആത്മഹത്യയ്ക്ക് മുന്‍പ് മരിക്കാന്‍ പോകുകയാണെന്ന് യുവാവ് ഭാര്യയ്ക്ക് സന്ദേശമയച്ചിരുന്നതായും പോലീസ് പറഞ്ഞു.
ഞായറാഴ്ച രാവിലെയാണ് ശ്രീകാന്ത് ദേശ്മുഖ് വീട്ടില്‍നിന്ന് പോയതെന്നാണ് ഭാര്യയുടെ മൊഴി. പലഹാര ബിസിനസ് ചെയ്യുന്ന ശ്രീകാന്തും ഭാര്യയും തമ്മില്‍ ഞായറാഴ്ച രാവിലെ വഴക്കിട്ടിരുന്നു. ഇതിനുപിന്നാലെ കാറുമായി ശ്രീകാന്ത് പുറത്തേക്ക് പോയി.
നഗരത്തില്‍നിന്ന് 75 കിലോമീറ്ററോളം അകലെയുള്ള വരന്തചുരത്തിലേക്കാണ് യുവാവ് കാറോടിച്ച് പോയത്. ഇവിടെവെച്ച് വാഹനം നിര്‍ത്തുകയും താന്‍ ജീവനൊടുക്കാന്‍ പോകുകയാണെന്ന് ഭാര്യയ്ക്ക് സന്ദേശം അയക്കുകയുംചെയ്തു.
നിലവിലുള്ള ലൊക്കേഷനും ഭാര്യയെ സന്ദേശത്തില്‍ അറിയിച്ചിരുന്നു. ഭര്‍ത്താവിന്റെ സന്ദേശം കണ്ടയുടന്‍ ഭാര്യ വിവരം പോലീസില്‍ അറിയിച്ചു. ലൊക്കേഷന്‍വിവരങ്ങളും കൈമാറി. തുടര്‍ന്ന് പോലീസ് സമീപത്തെ പോലീസ് സ്‌റ്റേഷനിലേക്ക് ഈവിവരം നല്‍കി.
ഉടന്‍തന്നെ പോലീസ് സംഘം സ്‌റ്റേഷനില്‍നിന്ന് 45 കിലോമീറ്ററോളം അകലെയുള്ള സ്ഥലത്തേക്ക് കുതിച്ചു. എന്നാല്‍, ശ്രീകാന്ത് അയച്ച ലൊക്കേഷനില്‍ എത്തിയപ്പോള്‍ യുവാവിനെയോ കാറോ കണ്ടെത്താനായില്ല.
അഞ്ചുകിലോമീറ്റര്‍ കൂടി പോലീസ് സംഘം മുന്നോട്ടുപോയപ്പോള്‍ ശ്രീകാന്തിന്റെ കാര്‍ ഉപേക്ഷിച്ചനിലയില്‍ കണ്ടെത്തി. ഇതോടെയാണ് പുഴയില്‍ ചാടിയെന്ന സംശയത്തില്‍ തിരച്ചില്‍ ആരംഭിച്ചത്. തുടര്‍ന്ന് രാത്രി 11 മണിയോടെ യുവാവിന്റെ മൃതദേഹം പുഴയില്‍നിന്ന് കണ്ടെടുക്കുകയായിരുന്നു.
പുഴയ്ക്ക് കുറുകെയുള്ള ചെറിയ പാലത്തില്‍നിന്ന് ചാടിയാണ് ശ്രീകാന്ത് ജീവനൊടുക്കിയതെന്നാണ് പോലീസിന്റെ പ്രാഥമിക നിഗമനം. മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുത്തു. സംഭവത്തില്‍ കേസെടുത്തതായും വിശദമായ അന്വേഷണം തുടരുകയാണെന്നും പോലീസ് പറഞ്ഞു.
#After #quarreling #wife #young #man #drove #car #75km #distance #found #dead river
