ദില്ലി: (truevisionnews.com)ഗൂഗിളിന്‍റെ പിക്സൽ ഫോണുകൾ ഇന്ത്യയില്‍ നിര്‍മിക്കുന്നു. ഗൂഗിളാണ് കഴിഞ്ഞ ദിവസം ഇത് സംബന്ധിച്ച പ്രഖ്യാപനം നടത്തിയത്.
പുതിയ പിക്സൽ 9 ഫോണുകൾ അവതരിപ്പിക്കുന്നതിന് തൊട്ടുമുമ്പായായിരുന്നു കമ്പനിയുടെ പ്രഖ്യാപനം. പിക്സൽ 8 ഫോണുകൾ മാത്രമാണ് ഇന്ത്യയിൽ നിർമിക്കുന്നത്.
.gif)
പിക്സൽ 8, പിക്സൽ 8എ ഫോണുകൾ അക്കൂട്ടത്തിൽ ഇല്ല. എക്സിൽ ഗൂഗിള്‍ പങ്കുവെച്ച പോസ്റ്റിലാണ് ഇതെക്കുറിച്ച് പറയുന്നത്.
രാജ്യത്ത് നിർമ്മിച്ച ആദ്യ ബാച്ച് പിക്സൽ 8 ഫോണുകൾ പുറത്തിറങ്ങാൻ പോകുന്നുവെന്നായിരുന്നു കമ്പനിയുടെ പോസ്റ്റ്. രാജ്യത്ത് ഏത് കമ്പനിയാണ് ഗൂഗിൾ പിക്സൽ നിർമ്മിക്കുന്നത് എന്നത് ഗൂഗിള്‍ വെളിപ്പെടുത്തിയിട്ടില്ല.
ഗൂഗിളിന്‍റെ ആഗോള നിർമാണ പങ്കാളിയായ കോംപൽ (Compal) പിക്സൽ 8 മോഡലുകൾക്ക് വേണ്ടി ഇന്ത്യൻ കമ്പനിയായ ഡിക്‌സൺ ടെക്‌നോളജീസുമായി സഹകരിക്കുന്നുണ്ടെന്ന റിപ്പോർട്ട് നേരത്തെ പുറത്തുവന്നിരുന്നു.
ഈ വർഷം ഒരു കോടി പിക്സൽ ഫോണുകൾ നിർമിക്കാനാണ് ഗൂഗിളിന്‍റെ പദ്ധതിയെന്നും റിപ്പോർട്ടുകൾ പറയുന്നു.ഇന്ത്യൻ സ്‌മാര്‍ട്ട്‌ഫോണ്‍ വിപണിയുമായുള്ള ബന്ധം ശക്തമാക്കുന്നതിനായാണ് ഇത്തരമൊരു നീക്കം.
കൂടാതെ പ്രവർത്തനങ്ങൾ കൂടുതൽ കാര്യക്ഷമമാക്കാനും ചെലവ് ചുരുക്കാനും ഈ നീക്കത്തിലൂടെ ഗൂഗിളിന് സാധിക്കുമെന്നും റിപ്പോർട്ടുകൾ ചൂണ്ടിക്കാണിക്കുന്നു.
മറ്റ് പിക്സൽ ഫോണുകളുടെ ഉല്പാദനം ഇന്ത്യയിൽ ആരംഭിക്കുമോ എന്നതിൽ വ്യക്തതയില്ല. പുതിയ പിക്സൽ 9 ഫോണുകളും ഭാവിയിൽ ഇന്ത്യയിൽ ഉത്പാദിപ്പിച്ചേക്കും.
#google #pixel8 #production #india #begins
