#Stuck | വിവാഹത്തിൽ പങ്കെടുക്കാൻ പോയ അഞ്ചംഗ കുടുംബം പാകിസ്ഥാനിൽ കുടുങ്ങിയിട്ട് രണ്ട് വർഷം; സർക്കാർ സഹായം തേടി ബന്ധുക്കൾ

#Stuck | വിവാഹത്തിൽ പങ്കെടുക്കാൻ പോയ അഞ്ചംഗ കുടുംബം പാകിസ്ഥാനിൽ കുടുങ്ങിയിട്ട് രണ്ട് വർഷം; സർക്കാർ സഹായം തേടി ബന്ധുക്കൾ
Aug 11, 2024 12:42 PM | By ShafnaSherin

ലഖ്നൌ:(truevisionnews.com)ഉത്തർപ്രദേശിൽ നിന്നുള്ള കുടുംബം രണ്ട് വർഷമായി പാകിസ്ഥാനിൽ കുടുങ്ങിക്കിടക്കുകയാണെന്ന് പരാതി. ബന്ധുവിന്‍റെ വിവാഹത്തിൽ പങ്കെടുക്കാൻ പോയ കുടുംബമാണ് തിരിച്ചുവരാനാകാതെ അവിടെ കുടുങ്ങിപ്പോയതെന്ന് ബന്ധുക്കൾ പറയുന്നു.

വിസ പ്രശ്നങ്ങളെ തുടർന്നാണ് കുടുംബത്തിന്‍റെ മടങ്ങിവരവ് പ്രതിസന്ധിയിലായതെന്ന് ഇന്ത്യടുഡെ റിപ്പോർട്ട് ചെയ്തു.യുപി സ്വദേശിയായ മജിദ് ഹുസൈനും പാകിസ്ഥാൻകാരിയായ താഹിർ ജബീനും 2007ലാണ് വിവാഹിതരായത്.

തുടർന്ന് കുടുംബം ഉത്തർപ്രദേശിലെ രാംപൂരിൽ താമസമാക്കി. ഇരുവർക്കും മൂന്ന് മക്കളുണ്ട്. 2022ൽ താഹിറിന്‍റെ സഹോദരന്‍റെ വിവാഹത്തിൽ പങ്കെടുക്കാനാണ് കുടുംബം പാകിസ്ഥാനിലേക്ക് പോയത്.

മൂന്ന് മാസത്തെ വിസ കാലാവധിയാണ് ഉണ്ടായിരുന്നത്. മൂന്ന് മാസം കഴിഞ്ഞ് രണ്ട് ദിവസം കൂടി അധികമായി അവിടെ നിൽക്കേണ്ടി വന്നു. ഇതോടെയാണ് തിരിച്ചുവരവ് പ്രതിസന്ധിയിലായത്.

പലതരത്തിൽ ശ്രമിച്ചിട്ടും രണ്ട് വർഷമായി മജിദും കുടുംബവും ഇന്ത്യയിലേക്ക് തിരിച്ചുവരാനാകാതെ കുടുങ്ങിക്കിടക്കുകയാണെന്ന് ബന്ധുക്കൾ പറഞ്ഞു. മജിദിന്‍റെ അമ്മയും സഹോദരിമാരും രാംപൂരിലെ വീട്ടിലുണ്ട്.

മജിദിനെയും കുടുംബത്തെയും തിരിച്ചെത്തിക്കാൻ സഹായിക്കണമെന്ന് അവർ കേന്ദ്ര സർക്കാരിനോട് അഭ്യർത്ഥിച്ചു. ആവശ്യമായ എല്ലാ രേഖകളും പാകിസ്ഥാൻ അധികൃതർക്ക് സമർപ്പിച്ചിട്ടും തിരിച്ചുവരവ് അനിശ്ചിതത്വത്തിൽ തുടരുകയാണെന്ന് മജിദിന്‍റെ അമ്മ ഫാമിദ പറഞ്ഞു.

നാട്ടിലേക്ക് തിരിച്ചെത്താനുള്ള ആഗ്രഹം പറഞ്ഞ് മജിദ് എപ്പോഴും വിളിക്കാറുണ്ടെന്നും ബന്ധുക്കൾ പറഞ്ഞു. മാജിദിനും കുട്ടികൾക്കും വിസ ലഭിക്കാൻ പ്രയാസമില്ലെങ്കിലും താഹിറിന്‍റെ അപേക്ഷ നിരസിക്കപ്പെടുന്നതാണ് തിരിച്ചുവരവ് പ്രതിസന്ധിയിലാവാൻ കാരണമെന്ന് ബന്ധുവായ ഷക്കീർ അലി പറഞ്ഞു. ഇക്കാര്യം കേന്ദ്ര സർക്കാരിന്‍റെ ശ്രദ്ധയിൽപ്പെടുത്തി പ്രശ്നം പരിഹരിക്കാനാണ് കുടുംബത്തിന്‍റെ ശ്രമം.

#Two #years #after #family #five #got #stuck #Pakistan #wedding #Relatives #sought #government #help

Next TV

Related Stories
ഭിന്നശേഷിക്കാരിയെ പീഡിപ്പിച്ച് ഉപേക്ഷിച്ചു, വിവരം മറച്ചുവെച്ച് മുത്തശ്ശിയും അമ്മാവനും; 11-കാരിക്ക് ദാരുണാന്ത്യം

Feb 8, 2025 11:07 PM

ഭിന്നശേഷിക്കാരിയെ പീഡിപ്പിച്ച് ഉപേക്ഷിച്ചു, വിവരം മറച്ചുവെച്ച് മുത്തശ്ശിയും അമ്മാവനും; 11-കാരിക്ക് ദാരുണാന്ത്യം

പെണ്‍കുട്ടിയുടെ അമ്മ രാജസ്ഥാൻകാരനായ മറ്റൊരാള്‍ക്കൊപ്പം പോയതിന് പിന്നാലെ പിതാവ് മദ്യപാനത്തിന്...

Read More >>
പ്രൊപ്പോസ് ദിനത്തിൽ പ്രണയാഭ്യർത്ഥന നിരസിച്ചു; യുവതിയ്ക്ക് നേരെ അതിക്രമവുമായി യുവാവ്

Feb 8, 2025 10:26 PM

പ്രൊപ്പോസ് ദിനത്തിൽ പ്രണയാഭ്യർത്ഥന നിരസിച്ചു; യുവതിയ്ക്ക് നേരെ അതിക്രമവുമായി യുവാവ്

യുവാവിനെതിരെ നടപടിയെടുക്കണമെന്ന ആവശ്യവും ശക്തമാവുകയാണ്. സംഭവത്തിൽ പ്രതിക്കെതിരെ പൊലീസ്...

Read More >>
'ജനങ്ങളുടെ സ്നേഹത്തിന് നന്ദി; ദില്ലി ഇപ്പോൾ ദുരന്ത മുക്തമായി, നൂറിരട്ടി വികസനം കൊണ്ടുവരു'മെന്ന് പ്രധാനമന്ത്രി

Feb 8, 2025 07:49 PM

'ജനങ്ങളുടെ സ്നേഹത്തിന് നന്ദി; ദില്ലി ഇപ്പോൾ ദുരന്ത മുക്തമായി, നൂറിരട്ടി വികസനം കൊണ്ടുവരു'മെന്ന് പ്രധാനമന്ത്രി

ഡൽഹി ബിജെപിയെ മനസു തുറന്നു സ്നേഹിച്ചു. ഈ സ്നേഹത്തിന്റെ പതിന്മടങ്ങ് വീക്ഷണത്തിന്റെ രൂപത്തിൽ തിരിച്ചു...

Read More >>
'ജയിലിലേയ്ക്ക് പോകാൻ ജനങ്ങൾ അദ്ദേഹത്തെ സ്വതന്ത്രനാക്കിയിരിക്കുന്നു'; കെജ്‌രിവാളിനെതിരേ സ്മൃതി ഇറാനി

Feb 8, 2025 05:40 PM

'ജയിലിലേയ്ക്ക് പോകാൻ ജനങ്ങൾ അദ്ദേഹത്തെ സ്വതന്ത്രനാക്കിയിരിക്കുന്നു'; കെജ്‌രിവാളിനെതിരേ സ്മൃതി ഇറാനി

2014-ല്‍ നരേന്ദ്ര മോദിയെ പ്രധാനമന്ത്രി സ്ഥാനാര്‍ത്ഥിയാക്കിയതാണ് ബിജെപി ചെയ്ത ഏറ്റവും നല്ല കാര്യങ്ങളിലൊന്ന്. ബിഹാറിലും ബിജെപി വൻ വിജയം നേടുമെന്നും...

Read More >>
ഹൃദയം നുറുങ്ങി; പീഡനശ്രമത്തിനിടെ യുവാവ് ട്രാക്കിലേക്ക് തള്ളിയിട്ട യുവതിയുടെ ഗർഭസ്ഥ ശിശു മരിച്ചു

Feb 8, 2025 03:39 PM

ഹൃദയം നുറുങ്ങി; പീഡനശ്രമത്തിനിടെ യുവാവ് ട്രാക്കിലേക്ക് തള്ളിയിട്ട യുവതിയുടെ ഗർഭസ്ഥ ശിശു മരിച്ചു

യുവതിയുടെ ആരോഗ്യനില മെച്ചപ്പെട്ടന്നുംഐസിയുവിൽ നിന്ന് മാറ്റിയെന്നും വൈകിട്ടോടെ ഡോക്ടർമാർ...

Read More >>
Top Stories