കോന്നി : (truevisionnews.com) പി.എസ്.സി പരീക്ഷ നടക്കുന്നതിനിടെ കോന്നി എസ്.എൻ. പബ്ലിക് സ്കൂൾ മുറ്റത്ത് നിന്നിരുന്ന മരം പിഴുതുവീണ് വാഹനങ്ങൾ തകർന്നു.
രാവിലെ പതിനൊന്ന് മണിയോടെ ആയിരുന്നു സംഭവം. പരീക്ഷക്ക്‌ എത്തിയ നിരവധി ആളുകളുടെ ഇരുചക്രവാഹനങ്ങൾ അടക്കം ഇവിടെ ചാർക്ക്ചെയ്തിരുന്നു.
അതിനിടെയാണ് മരം പിഴുതുവീണത്. സംഭവത്തിൽ രണ്ട് ബൈക്കുകൾ പൂർണ്ണമായി തകർന്നു. സമീപത്ത് നിർത്തിയിട്ടിരുന്ന കാറിന്‍റെ ചില്ലുകളും തകർന്നു.
കാറിനുള്ളിൽ ആളുകൾ ഉണ്ടായിരുന്നുവെങ്കിലും പരിക്കേൽക്കാതെ രക്ഷപെട്ടു. ഉയർന്ന മൺതിട്ടയിൽ നിന്നിരുന്ന മരമാണ് വീണത്. കോന്നിയിൽ നിന്നും അഗ്നിരക്ഷാ സേന എത്തി മരം മുറിച്ചുനീക്കി.
#During #PSC #examination #vehicles #damaged #tree #falling #school #yard
