വളാഞ്ചേരി:(truevisionnews.com) നഗരത്തിൽ ജ്വല്ലറിയിൽ മോഷണം. പണവും ലാപ്ടോപും നഷ്ടപ്പെട്ടതായി കടയുടമ പറഞ്ഞു.
പൊലീസ് എത്തി അന്വേഷണം തുടങ്ങി. പട്ടാമ്പി റോഡിലുള്ള സെല്ല ഗോൾഡ് ആൻഡ് സിൽവറിലാണു ഞായർ രാത്രി മോഷണം നടന്നത്.
ഇന്നലെ രാവിലെ ഉടമയെത്തി കട തുറന്നപ്പോഴാണു മോഷണവിവരം അറിയുന്നത്. ജ്വല്ലറിക്കെട്ടിടത്തിന്റെ പിൻഭാഗത്തെ ചുമരിൽ രണ്ടിടങ്ങളിൽ പൂർണമായും ഒരു ഭാഗം ഭാഗികമായും തുരന്ന നിലയിലാണ്.
അകത്തു പാർശ്വചുമരും തകർത്തിട്ടുണ്ട്. തുരന്ന ഭാഗങ്ങളിലും ജ്വല്ലറിയുടെ ഉൾഭാഗത്തും കൗണ്ടറിനു മേൽഭാഗത്തും മുളകുപൊടി വിതറിയിട്ടുണ്ട്.കൗണ്ടറിൽ സൂക്ഷിച്ചിരുന്ന 5,000 രൂപയാണു നഷ്ടപ്പെട്ടത്.
പൊലീസ് സ്ഥലത്തെത്തി പരിശോധന നടത്തി.
#Burglary #drilling #into #the #wall #Cash #laptop #were #stolen #from #jewelery #shop #Valancherry.
