കോഴിക്കോട്: (truevisionnews.com) അഞ്ചാമത് കലാഭവൻ മണി മെമ്മോറിയൽ അവാർഡ് 2023 ന് അർഹനായി കോഴിക്കോട് സ്വദേശി ഘനശ്യാം.
സിനിമാ മേഖലയിലെ പ്രശസ്തർ പങ്കെടുത്ത ചടങ്ങിലാണ് ഘന ശ്യാം അവാർഡ് ഏറ്റുവാങ്ങിയത്.
സ്കൂൾ കലാ മത്സരങ്ങളിൽ എന്നും മികച്ച പ്രകടനമാണ് ഘന ശ്യാം കാഴ്ച വെക്കാറ്.
റവന്യൂ ജില്ലാ കലോത്സവത്തിൽ ഹയർസെക്കൻഡറി വിഭാഗം കേരള നടന മത്സരത്തിൽ കോഴിക്കോട് സിൽവർ ഹിൽസ് എച്ച്എസ്എസിനെ പ്രതിനിധീകരിച്ച് കേരള നടന മത്സരത്തിൽ എ ഗ്രേഡോട് ഒന്നാം സ്ഥാനം നേടിയിരുന്നു.
തുടർന്ന് കോഴിക്കോട് വച്ച് നടന്ന സംസ്ഥാന യുവജനോത്സവത്തിലും ഒന്നാം സ്ഥാനം നേടുകയുണ്ടായി.
ഹൈസ്കൂൾ പഠനകാലം തൊട്ടേ കൂച്ചിപ്പുടി, ഫോക്ക് ഡാൻസ്, കൊളാഷ് എന്നിവയിലും തിളക്കമാർന്ന പ്രകടനം കാഴ്ച വച്ചിട്ടുണ്ട്.
2018 ൽ ആലപ്പുഴയിൽ നടന്ന സംസ്ഥാന സ്കൂൾ കലോത്സവത്തിൽ കുച്ചിപ്പുടിയിൽ എ ഗ്രേഡ് നേടിയിരുന്നു. 2019 ൽ കാഞ്ഞങ്ങാട് നടന്ന സംസ്ഥാന സ്കൂൾ കലോത്സവത്തിൽ നാടോടി നൃത്തത്തിലും എ ഗ്രേഡ് നേടി.
കൊച്ചിയിൽ വെച്ചു നടന്ന കലാഭവൻ മണി മെമ്മോറിയൽ അവാർഡ് നേടിയതിന്റെ ആഹ്ലാദത്തിലാണ് കുടുംബവും, എല്ലാത്തിലുമുപരി ഗുരു സജീവ് ഒളവണ്ണയും.
കോഴിക്കോട് മലാപ്പറമ്പിലെ അഖില- ഷാജി ദമ്പതികളുടെ ഏക മകനാണ്.
#Acknowledgment #GhanaShyam #KalabhavanManiMemorialAward #awarded
