മലപ്പുറം: ( www.truevisionnews.com ) മഞ്ഞപ്പിത്തം ബാധിച്ചതിനെ തുടർന്ന് ചികിത്സയിലായിരുന്ന യുവാവ് മരിച്ചു. ചുങ്കത്തറ മുട്ടിക്കടവ് കാവലങ്കോട് താമസിക്കുന്ന ആനക്കഞ്ചേരി തജ്ലിസാൻ (22) ആണ് മരിച്ചത്.
കോഴിക്കോട്ടെ ഒരു സ്വകാര്യ ആശുപത്രിയിൽ ചികിത്സയിലായിരുന്നു. ഉച്ചയ്ക്ക് ഒരു മണിയോടെയാണ് അന്ത്യം. ഈ മാസം 13നാണ് തജ്ലിസാന് ശാരീരിക ബുദ്ധിമുട്ടുകൾ അനുഭവപ്പെട്ടത്.
പിറ്റേദിവസം ചുങ്കത്തറ സിഎച്ച്സിയിൽ ചികിത്സ തേടി. എന്നാൽ സ്ഥിതി ഗുരുതരമായതോടെ 18ന് കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.
#man #died #jaundice #malappuram
