ദുബായ്: (truevisionnews.com) പുതുക്കിയ ഐ.സി.സി. ടെസ്റ്റ് ടീം റാങ്കിങ്ങില്‍ ഇന്ത്യയ്ക്ക് ഒന്നാം സ്ഥാനം നഷ്ടം.
ഇന്ത്യയെ രണ്ടാം സ്ഥാനത്തേക്ക് പിന്തള്ളി ടെസ്റ്റ് ചാമ്പ്യന്‍ഷിപ്പ് ജേതാക്കളായ ഓസ്‌ട്രേലിയയാണ് ഒന്നാം റാങ്കിലെത്തിയത്.
ഒന്നാം സ്ഥാനത്തുള്ള ഓസീസിന് 124 റേറ്റിങ് പോയന്റാണുള്ളത്. രണ്ടാമതുള്ള ഇന്ത്യയ്ക്ക് 120 റേറ്റിങ് പോയന്റാണുള്ളത്.
105 പോയന്റുമായി ഇംഗ്ലണ്ടാണ് മൂന്നാം സ്ഥാനത്ത്. അതേസമയം ഏകദിന - ടി20 റാങ്കിങ്ങില്‍ ഇന്ത്യ തന്നെയാണ് ഒന്നാമത്.
2020-21 കാലയളവിലെ ടെസ്റ്റ് പരമ്പരകള്‍ കണക്കിലെടുക്കാതെയാണ് പുതിയ റാങ്കിങ് പ്രഖ്യാപിച്ചിട്ടുള്ളത്.
2020-21 കാലയളവില്‍ ഓസീസിനെതിരായ പരമ്പര ഇന്ത്യ സ്വന്തമാക്കിയത് (2-1) കണക്കാക്കാതിരുന്നതോടെയാണ് റാങ്കിങ്ങില്‍ ഇന്ത്യയ്ക്ക് തിരിച്ചടി നേരിട്ടത്.
#India #first #position #Testrankings #shaken; #Aussie #number #one
