'ഭർത്താവിന്റെ കാർ ഓടിക്കണം', സ്വപ്‌നങ്ങൾ ബാക്കി; ദുരഭിമാനക്കൊലയ്ക്കിരയായ യുവാവിൻ്റെ ഭാര്യ ജീവനൊടുക്കി

'ഭർത്താവിന്റെ കാർ ഓടിക്കണം', സ്വപ്‌നങ്ങൾ ബാക്കി; ദുരഭിമാനക്കൊലയ്ക്കിരയായ യുവാവിൻ്റെ ഭാര്യ ജീവനൊടുക്കി
Apr 24, 2024 02:13 PM | By Susmitha Surendran

ചെന്നൈ: (truevisionnews.com)     തമിഴ്‌നാട്ടില്‍ ദുരഭിമാനക്കൊലയ്ക്കിരയായ യുവാവിന്റെ ഭാര്യ ജീവനൊടുക്കി. ചെന്നൈയ്ക്ക് സമീപം പള്ളിക്കരണായി സ്വദേശി പ്രവീണിന്റെ ഭാര്യ ശര്‍മിള (20)യാണ് ആത്മഹത്യചെയ്തത്.

ഏപ്രില്‍ 14-ന് ആത്മഹത്യയ്ക്ക് ശ്രമിച്ച യുവതി രാജീവ് ഗാന്ധി സര്‍ക്കാര്‍ ആശുപത്രിയില്‍ ചികിത്സയിലിരിക്കെ തിങ്കളാഴ്ച രാത്രിയാണ് മരിച്ചത്. ഫെബ്രുവരി 24-നാണ് ദളിത് യുവാവായ പ്രവീണിനെ ശര്‍മിളയുടെ സഹോദരനും ബന്ധുക്കളും ചേര്‍ന്ന് വെട്ടിക്കൊന്നത്.

ശര്‍മിളയുടെ വീട്ടുകാരുടെ എതിര്‍പ്പ് മറികടന്ന് 2023 നവംബറിലാണ് ഇരുവരും വിവാഹിതരായത്. വിവാഹശേഷവും ശര്‍മിളയുടെ കുടുംബം ഇവരെ ഭീഷണിപ്പെടുത്തി. തുടര്‍ന്നാണ് പ്രവീണിനെ കൊലപ്പെടുത്തിയത്.

ഭര്‍ത്താവിന്റെ കൊലപാതകത്തിന് പിന്നാലെ ശര്‍മിള ഏറെ ദുഃഖിതയായിരുന്നുവെന്നാണ് ബന്ധുക്കള്‍ പറഞ്ഞത്. പ്രവീണിന്റെ പോസ്റ്റ്‌മോര്‍ട്ടം റിപ്പോര്‍ട്ട് വായിച്ചതിന് ശേഷം യുവതി ഏറെ അസ്വസ്ഥയായി. ഇതിനുപിന്നാലെയാണ് കുറിപ്പ് എഴുതിവെച്ച് ജീവനൊടുക്കാന്‍ ശ്രമിച്ചതെന്നും പ്രവീണിന്റെ അമ്മ ജി. ചിത്ര മാധ്യമങ്ങളോട് പറഞ്ഞു.

'പ്രവീണ്‍ എവിടെപ്പോയാലും ഞാനും അവിടെപോകും, പ്രവീണ്‍ ഇല്ലാത്ത ഈ ജീവിതം എനിക്ക് വേണ്ട' എന്നായിരുന്നു ശര്‍മിളയുടെ ആത്മഹത്യാക്കുറിപ്പില്‍ എഴുതിയിരുന്നത്.

കേസിലെ മുഖ്യപ്രതിയായ തന്റെ സഹോദരനെ മാതാപിതാക്കള്‍ ജാമ്യത്തിലിറക്കാന്‍ തയ്യാറായതും യുവതിയെ വിഷമിപ്പിച്ചു. ഏപ്രില്‍ 12-നാണ് സഹോദരന്‍ ദിനേശ് പ്രവീണ്‍ കൊലക്കേസില്‍ ജാമ്യാപേക്ഷ നല്‍കിയത്.

ഇതിനുപിന്നാലെ ഏപ്രില്‍ 14-നായിരുന്നു ശര്‍മിളയുടെ ആത്മഹത്യാശ്രമം. അതേസമയം, ജീവിതത്തിലേക്ക് തിരികെവരാനുള്ള ശ്രമത്തിനിടെ ശര്‍മിള ഈ കടുംകൈ ചെയ്തത് തങ്ങളെ ഞെട്ടിച്ചെന്നായിരുന്നു മറ്റുചില ബന്ധുക്കളുടെ പ്രതികരണം.

ഈ തിങ്കളാഴ്ച തിരികെ കോളേജില്‍ ചേര്‍ന്ന് പഠനം തുടരാനായിരുന്നു അവളുടെ തീരുമാനം. ഡ്രൈവിങ് പഠിച്ച് ലൈസന്‍സ് എടുക്കാനും തുടര്‍ന്ന് പ്രവീണിന്റെ കാര്‍ ഓടിക്കാനും അവള്‍ ആഗ്രഹിച്ചിരുന്നു. ഇതിനിടെയാണ് ആത്മഹത്യാശ്രമം നടന്നതെന്നും ബന്ധുക്കള്‍ പറഞ്ഞു.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)

#wife #youngman #who #involved #honor #killing #committed #suicide

Next TV

Related Stories
#mpmurder | ബംഗ്ലാദേശ് എം.പിയുടെ കൊലപാതകം: ആസൂത്രണംചെയ്തത് യു എസ് പൗരന്‍; പ്രതിഫലം 5 കോടി, സ്ത്രീ അറസ്റ്റില്‍

May 25, 2024 07:09 AM

#mpmurder | ബംഗ്ലാദേശ് എം.പിയുടെ കൊലപാതകം: ആസൂത്രണംചെയ്തത് യു എസ് പൗരന്‍; പ്രതിഫലം 5 കോടി, സ്ത്രീ അറസ്റ്റില്‍

കൊലപാതകത്തിനും ശരീരം വെട്ടിമുറിക്കാനും മറ്റുപ്രതികളെ സഹായിച്ച ജിഹാദ് ഹാവലാധര്‍ എന്ന അനധികൃത ബംഗ്‌ളാദേശി കുടിയേറ്റക്കാരനെ കൊല്‍ക്കത്ത...

Read More >>
#NarendraModi  |മണിശങ്കറുടെ പ്രസ്താവന കേട്ട് തല കുനിഞ്ഞുപോയി, ലാഹോറിൽ പോയ എനിക്ക് പാകിസ്ഥാൻ്റെ ശക്തി എത്രയെന്ന് അറിയാം: മോദി

May 24, 2024 09:25 PM

#NarendraModi |മണിശങ്കറുടെ പ്രസ്താവന കേട്ട് തല കുനിഞ്ഞുപോയി, ലാഹോറിൽ പോയ എനിക്ക് പാകിസ്ഥാൻ്റെ ശക്തി എത്രയെന്ന് അറിയാം: മോദി

ലാഹോറില്‍ സന്ദര്‍ശനം നടത്തിയ തനിക്ക് പാകിസ്ഥാന് എത്ര ശക്തിയുണ്ടെന്നറിയാമെന്നും പ്രധാനമന്ത്രി കൂട്ടിച്ചേർത്തു....

Read More >>
#arrest |മുൻ ഭാര്യയുടെ വീട്ടിൽ അതിക്രമിച്ചുകയറി വീട്ടുജോലിക്കാരനെ മർദ്ദിച്ചു;  മുൻ ഡി.ജി.പി അറസ്റ്റിൽ

May 24, 2024 07:31 PM

#arrest |മുൻ ഭാര്യയുടെ വീട്ടിൽ അതിക്രമിച്ചുകയറി വീട്ടുജോലിക്കാരനെ മർദ്ദിച്ചു; മുൻ ഡി.ജി.പി അറസ്റ്റിൽ

രാജേഷ് ദാസ് നൽകിയ ഹരജിയിൽ സുപ്രീം കോടതി അറസ്റ്റിന് ഇടക്കാല സ്റ്റേ...

Read More >>
#murdercase |ബംഗ്ലാദേശ് എം.പിയുടെ മൃതദേഹത്തിലെ തൊലി കശാപ്പുകാരനെക്കൊണ്ട് മാറ്റി, കഷണങ്ങളാക്കി ഉപേക്ഷിച്ചു

May 24, 2024 02:46 PM

#murdercase |ബംഗ്ലാദേശ് എം.പിയുടെ മൃതദേഹത്തിലെ തൊലി കശാപ്പുകാരനെക്കൊണ്ട് മാറ്റി, കഷണങ്ങളാക്കി ഉപേക്ഷിച്ചു

കഴിഞ്ഞ ദിവസം പശ്ചിമബംഗാള്‍ സി.ഐ.ഡി അറസ്റ്റു ചെയ്ത കശാപ്പുകാരനെ ഇതിനായി മുബൈയില്‍ നിന്ന് പ്രത്യേകം കൊണ്ടുവരികയായിരുന്നുവെന്നും പോലീസ്...

Read More >>
Top Stories