(truevisionnews.com) രാത്രി നന്നായി ഉറക്കം ലഭിച്ചില്ലെങ്കിൽ, അത് ശരീരത്തിൻറെ ആരോഗ്യത്തെയും മാനസികാരോഗ്യത്തെയും ഒരുപോലെ ബാധിക്കും. പല കാരണങ്ങൾ കൊണ്ടും രാത്രി ഉറക്കം കിട്ടാതെ വരാം. ഉറങ്ങാൻ കിടക്കുന്നതിന് തൊട്ടുമുമ്പ് അമിതമായി ഭക്ഷണം കഴിക്കുന്നത് പോലും ഉറക്കത്തെ മോശമായി ബാധിക്കാം.
പലർക്കും രാത്രി ഉറങ്ങുന്നതിന് മുമ്പ് സ്നാക്ക്സ് കഴിക്കുന്ന ശീലമുണ്ട്. അത് ആരോഗ്യത്തിന് ഒട്ടും നന്നല്ല. ഇത്തരത്തിൽ രാത്രി കഴിക്കാൻ പാടില്ലാത്ത ചില ഭക്ഷണങ്ങളെ പരിചയപ്പെടാം...
നല്ല എരുവേറിയ ഭക്ഷണമാണ് ആദ്യമായി ഈ പട്ടികയിൽ ഉൾപ്പെടുന്നത്. എരുവേറിയ ഭക്ഷണങ്ങൾ കഴിക്കുന്നത് ശരീരത്തിൻറെ താപനില കൂട്ടുകയും, അസിഡിറ്റി ഉണ്ടാക്കുകയും ചെയ്യും. ഇത് ഉറക്കത്തെ ബാധിക്കുകയും ചെയ്യാം.
കഫൈൻ അടങ്ങിയ ഭക്ഷണങ്ങളാണ് രണ്ടാമതായി ഈ പട്ടികയിൽ ഉൾപ്പെടുന്നത്. കോഫി, ചായ, സോഡ, എനർജി ഡ്രിങ്ക് തുടങ്ങിയവയിൽ അടങ്ങിയിരിക്കുന്ന കഫൈൻ ഉറക്കത്തെ തടസപ്പെടുത്തും. അതിനാൽ രാത്രി ഉറങ്ങുന്നതിന് മുമ്പ് ഇവ ഒഴിവാക്കുന്നതാണ് നല്ലത്.
അമിതമായ അളവിൽ കൊഴുപ്പ് അടങ്ങിയ ഭക്ഷണങ്ങളും രാത്രി കഴിക്കുന്നത് നല്ലതല്ല. ഇതിലെ ഉയർന്ന കൊഴുപ്പ് ഉറക്കത്തെ തടസപ്പെടുത്തും.
കാർബോഹൈട്രേറ്റ് ധാരാളം അടങ്ങിയ ഭക്ഷണങ്ങളും രാത്രി കഴിക്കുന്നത് ഒഴിവാക്കുന്നതാണ് നല്ലത്. കാരണം ഇവ ദഹിക്കാൻ സമയമെടുക്കും.
പഞ്ചസാര ധാരാളം അടങ്ങിയ ഭക്ഷണങ്ങളും രാത്രി കഴിക്കുന്നത് ഒഴിവാക്കുക. കാരണം ഇതിലെ ഉയർന്ന അളവിലെ കൊഴുപ്പും മധുരവും ഉറക്കത്തെ തടസപ്പെടുത്താം.
സംസ്കരിച്ച ഭക്ഷണങ്ങളും ജങ്ക് ഫുഡുമൊക്കെ രാത്രി കഴിക്കുന്നതും ഒഴിവാക്കുക. ഇവയും ദഹന പ്രശ്നങ്ങൾ ഉണ്ടാക്കുകയും ഉറക്കത്തെ തടസപ്പെടുത്തുകയും ചെയ്യും.
രാത്രി ഡാർക്ക് ചോക്ലേറ്റും കഴിക്കുന്നത് നല്ലതല്ല. കാരണം ഇവയിലുള്ള 'ടൈറോസിൻ' എന്ന ഘടകം ഉറക്കത്തെ തടസപ്പെടുത്തിയേക്കാം.
രാത്രിയിൽ ഐസ്‌ക്രീം കഴിക്കുന്നതും ഒഴിവാക്കേണ്ടതുണ്ട്. കാരണം ഇതിലെ ഉയർന്ന അളവിലെ കൊഴുപ്പും മധുരവും ഉറക്കത്തെ തടസപ്പെടുത്താം.
രാത്രി മൈദ അടങ്ങിയ ഭക്ഷണങ്ങൾ കഴിക്കുന്നതും ദഹനത്തെ തടസപ്പെടുത്താം. അതിനാൽ ഇവയും പരമാവധി ഡയറ്റിൽ നിന്നും ഒഴിവാക്കുക.
പ്രോട്ടീൻ അടങ്ങിയ ഭക്ഷണങ്ങളും രാത്രി കഴിക്കുന്നത് ദഹനക്കേടിന് കാരണമാകും. അതിനാൽ ഇവയും ഡയറ്റിൽ നിന്നും ഒഴിവാക്കുക.
#Know #foods #eat #going #bed #night
.jpg)
