.jpg)
(truevisionnews.com) അനാരോഗ്യകരമായ ജീവിത ശൈലി, മോശം ഭക്ഷണക്രമം, പുകവലി, വ്യായാമമില്ലായ്മ, മദ്യപാനം, അമിത ശരീരഭാരം മുതലായവയാണ് പലപ്പോഴും ക്യാൻസർ സാധ്യതയെ കൂട്ടുന്നത്.
അതിൽ തന്നെ ചില ഭക്ഷണങ്ങളുടെ അമിത ഉപഭോഗം ക്യാൻസർ സാധ്യതയെ കൂട്ടുമെന്ന് പഠനങ്ങളും പറയുന്നു. അത്തരത്തിൽ ക്യാൻസർ സാധ്യത കൂട്ടുന്ന ഭക്ഷണങ്ങളെ പരിചയപ്പെടാം...
സംസ്‌കരിച്ച മാംസം ആണ് ആദ്യമായി ഈ പട്ടികയിൽ ഉൾപ്പെടുന്നത്. സോസേജുകൾ പോലെ ചുവന്നതും സംസ്കരിച്ചതുമായ മാംസം അമിതമായി കഴിക്കുന്നത് ചില ക്യാൻസർ സാധ്യതയെ കൂട്ടിയേക്കാം. അതിനാൽ ഇത്തരം ഭക്ഷണങ്ങളുടെ ഉപയോഗം പരമാവധി ഒഴിവാക്കുക.
റെഡ് മീറ്റാണ് രണ്ടാമതായി ഈ പട്ടികയിൽ ഉൾപ്പെടുന്നത്. ബീഫ്, മട്ടൻ തുടങ്ങിയ റെഡ് മീറ്റുകളുടെ അമിത ഉപയോഗവും ക്യാൻസർ പിടിപെടാനുള്ള സാധ്യതയെ കൂട്ടും.
എണ്ണയിൽ വറുത്തതും പൊരിച്ചതുമായ ഭക്ഷണങ്ങൾ അമിതമായി കഴിക്കുന്നതും ചിലപ്പോൾ ക്യാൻസർ സാധ്യതയെ കൂട്ടിയേക്കാം. കാരണം ഇവയിൽ പൂരിത കൊഴുപ്പുകളും മറ്റും അടങ്ങിയിട്ടുണ്ട്.
പഞ്ചസാര അമിതമായി അടങ്ങിയ ഭക്ഷണങ്ങളും അമിതമായി കഴിക്കുന്നത് ചില ക്യാൻസർ സാധ്യതയെ കൂട്ടിയേക്കാം. ഇവ അമിത വണ്ണത്തിനും കാരണമാകും.
മദ്യം ആണ് അഞ്ചാമതായി ഈ പട്ടികയിൽ ഉൾപ്പെടുന്നത്. അമിതമായി മദ്യപിക്കുന്നവരിലും ക്യാൻസർ സാധ്യത കൂടുതലാണ്. അതിനാൽ മദ്യപാനവും കുറയ്ക്കുക.
അമിത മധുരവും മറ്റു രാസവസ്‌തുക്കളും അടങ്ങിയിട്ടുള്ള കോളകൾ കുടിക്കുന്നതും ക്യാൻസറിന് കാരണമായേക്കാം.
പതിവായി ജങ്ക് ഫുഡ് കഴിക്കുന്നതും ക്യാൻസർ സാധ്യതയെ കൂട്ടിയേക്കാം.
ഉപ്പിലിട്ട ഭക്ഷണങ്ങൾ, അച്ചാറുകൾ തുടങ്ങിയവയുടെ അമിത ഉപയോഗവും വയറിലെ ക്യാൻസർ സാധ്യതയെ കൂട്ടിയേക്കാം.
ക്യത്യമ മധുരം അടങ്ങിയ ഭക്ഷണങ്ങളും അമിതമായി കഴിക്കുന്നത് ചില ക്യാൻസർ സാധ്യതയെ കൂട്ടിയേക്കാം.
ട്രാൻസ് ഫാറ്റ് അടങ്ങിയ ഭക്ഷണങ്ങളും അമിതമായി കഴിക്കുന്നത് ക്യാൻസർ സാധ്യതയെ കൂട്ടും.
#foods #increase #risk #cancer
