( truevisionnews.com ) ലോകം ചുറ്റി സഞ്ചരിക്കാൻ ഇഷ്ടപ്പെടുന്നവരായിരിക്കും കൂടുതൽ പേരും.എന്നാൽ യാത്ര ചെലവാണ് ആളുകളെ പിന്നോട്ട് വലിക്കുന്നത്. എന്നാൽ ശരിയായ ക്രെഡിറ്റ് കാർഡ് ഉപയോഗത്തിലൂടെ ലോകം മുഴുവനും കുറഞ്ഞ ചിലവിൽ യാത്ര ചെയ്യാം. ക്രെഡിറ്റ് കാർഡ് ഉപയോഗിക്കുന്ന ആളുകൾ അറിഞ്ഞിരിക്കേണ്ട കാര്യങ്ങൾ ഉണ്ട്.
പല ക്രെഡിറ്റ് കാർഡുകളും റിവാർഡ് പോയിന്റുകളോ എയർ മൈലുകളോ സൗജന്യ ഫ്ലൈറ്റ് ടിക്കറ്റുകളോ ഹോട്ടൽ താമസത്തിനുള്ള ചെലവുകളോ ഓഫർ ചെയ്യുന്നുണ്ട്. ശരിയായ ക്രെഡിറ്റ് കാർഡ് തിരഞ്ഞെടുക്കുന്നതിലൂടെയും മികച്ച ഉപയോഗത്തിലൂടെയും, വലിയൊരു തുക ചെലവാക്കാതെ ലോകം ചുറ്റി കാണാം.
അതുപോലെ റിവാർഡുകൾ പരമാവധി വർധിപ്പിക്കാൻ ക്രെഡിറ്റ് കാർഡ് ഉപയോഗം പരമാവധി ശ്രദ്ധാപൂർവ്വം ആസൂത്രണം ചെയ്യേണ്ടതാണ്. എയർ മൈലുകൾ, ഒരു പ്രത്യേക എയർലൈൻ അതിന്റെ അഫിലിയേറ്റ് പാർട്ണർമാരുമായി നടത്തിയ വാങ്ങലിലൂടെ നേടിയ റിവാർഡ് പോയിന്റുകളാണ്. പതിവ് യാത്രക്കാർക്ക് അവരുടെ യാത്രാ ചെലവ് കുറയ്ക്കുന്നതിനുള്ള മികച്ച മാർഗമാണ് എയർ മൈലുകൾ. എയർ മൈലുകൾ മൂന്ന് തരത്തിൽ നേടാം.
അതായത് പറന്ന് സമ്പാദിക്കുക. ഒരു പ്രത്യേക എയർലൈൻ അല്ലെങ്കിൽ അതിന്റെ പങ്കാളി എയർലൈനുകളിലൊന്നിൽ ഫ്ലൈറ്റ് ടിക്കറ്റ് ബുക്ക് ചെയ്യുന്നതിലൂടെ എയർ മൈലുകൾ നേടാം.
കോ-ബ്രാൻഡഡ് ക്രെഡിറ്റ് കാർഡുകളാണ്. ബാങ്കുകളും എയർലൈനുകളും വാഗ്ദാനം ചെയ്യുന്ന കോ-ബ്രാൻഡഡ് ക്രെഡിറ്റ് കാർഡുകൾ ദൈനംദിന കാർഡ് ഉപയോഗത്തിലൂടെ എയർ മൈലുകൾ നേടാനുള്ള അവസരം നൽകുന്നു. ഉദാഹരണത്തിന്, വിസ്താരയുടെ ടിക്കറ്റ് ബുക്ക് ചെയ്യുമ്പോൾ ആക്സിസ് ബാങ്കിന്റെ കോ-ബ്രാൻഡഡ് ക്രെഡിറ്റ് കാർഡ് ഉപയോഗിക്കുന്നതിലൂടെ സിവി പോയിന്റുകൾ നേടാനാകും.
മറ്റൊന്ന് ക്രെഡിറ്റ് കാർഡ് റിവാർഡ് പോയിന്റുകളുടെ കൈമാറ്റമാണ്. വിവിധ എയർലൈനുകൾക്കായി ക്രെഡിറ്റ് കാർഡ് റിവാർഡ് പോയിന്റുകൾ എയർ മൈലുകളാക്കി മാറ്റാനുള്ള ഓപ്ഷൻ ബാങ്കുകൾ വാഗ്ദാനം ചെയ്യുന്നു.
ഇനി മുതൽ ക്രെഡിറ്റ് കാർഡ് റിവാർഡുകൾ ശരിയായി ഉപയോഗിച്ച് യാത്രകൾ പോകാം.
#Travel #around #world #less #credit #card #rewards