#health | മുടി തഴച്ച് വളരാനും മുടിയുടെ പ്രശ്നങ്ങൾ പരിഹരിക്കാനും ഡയറ്റിൽ ഉൾപ്പെടുത്താം ഈ വിത്തുകൾ

(truevisionnews.com) മുടിയുടെ ആരോഗ്യവുമായി ബന്ധപ്പെട്ട് മിക്കവരും നേരിടുന്ന ഒരു പ്രശ്നമാണ് മുടി കൊഴിച്ചിൽ. പല കാരണങ്ങൾ കൊണ്ടും മുടി കൊഴിച്ചിൽ ഉണ്ടാവാം. കാലാവസ്ഥ, സ്ട്രെസ്, മോശം ഡയറ്റ്, ഉറക്കമില്ലായ്മ, ഹോർമോൺ വ്യതിയാനം, ചില ആരോഗ്യപ്രശ്നങ്ങൾ/ അസുഖങ്ങൾ, ചില മരുന്നുകൾ - അങ്ങനെ പല കാരണങ്ങൾ.

Also read: പഞ്ചാബില്‍ പാക് ആക്രമണം; തെളിവായി ഇന്ത്യ തകർത്ത മിസൈലുകളുടെയും ഷെല്ലുകളുടെയും അവശിഷ്ടങ്ങൾ

എന്തായാലും ഭക്ഷണമടക്കമുള്ള നമ്മുടെ ജീവിതരീതികൾ ആരോഗ്യകരമായ വിധത്തിൽ പുനക്രമീകരിക്കാനായാൽ ഒരു പരിധി വരെ മുടിയുടെ ആരോഗ്യത്തെ സംരക്ഷിക്കാൻ സാധിക്കുന്നതാണ്. ഇത്തരത്തിൽ മുടിയുടെ ആരോഗ്യം മെച്ചപ്പെടുത്തുന്നതിനും മുടി വളർച്ച കൂട്ടുന്നതിനും സഹായകമായ ഡയറ്റ് ടിപ് എന്താണെന്ന് നോക്കാം.

സീഡ്സ് അഥവാ വിവിധയിനം വിത്തുകൾ ഭക്ഷണത്തിൽ പതിവായി ഉൾപ്പെടുത്തുകയാണെങ്കിൽ അത് മുടിയുടെ ആരോഗ്യത്തിന് മികച്ചതായിരിക്കും. ഇതാണ് പ്രധാനമായ ഡയറ്റ് ടിപ്. ഇനി ഏതെല്ലാം സീഡ്സ് ആണ് ഇങ്ങനെ കഴിക്കേണ്ടത് എന്നുകൂടി നോക്കാം.

Also read: 'കൂടുതൽ വായ്പ വേണം'; അഭ്യർഥനയുമായി പാക് മന്ത്രാലയത്തിന്‍റെ കുറിപ്പ്, പിന്നാലെ വിശദീകരണം

ഫ്ളാക്സ് സീഡ്സ് - ഒമേഗ-3 ഫാറ്റി ആസിഡിനാൽ സമ്പന്നമായ ഫ്ളാക്സ് സീഡ്സ് മുടി വളർച്ച കൂട്ടാൻ ഏറെ സഹായിക്കുന്നു. മുടിക്ക് കേടുപാടുകൾ സംഭവിക്കുന്നത് തടയാനും ഫ്ളാക്സ് സീഡ്സ് സഹായകമാണ്. ചിയ സീഡ്സ് - പ്രോട്ടീൻ, ഒമേഗ-3 ഫാറ്റി ആസിഡ്സ്, ആൻറി-ഓക്സിഡൻറ്സ് എന്നിവയാലെല്ലാം സമ്പന്നമായ ചിയ സീഡ്സും മുടിയുടെ ആരോഗ്യം വർധിപ്പിക്കാൻ സഹായിക്കുന്നു.

അതുപോലെ മുടി പൊട്ടുന്നതും, മുടി ഡ്രൈ ആകുന്നതും തടയുന്നതിനും ഇത് സഹായകമാണ്. മത്തൻ കുരു - സിങ്ക് എന്ന ധാതുവിനാൽ സമ്പന്നമാണ് മത്തൻ സീഡ്സ്. സിങ്ക് മുടിയുടെ വളർച്ചയ്ക്കും മുടിക്ക് കേടുപാടുകൾ സംഭവിക്കുന്നത് തടയുന്നതിനുമെല്ലാം ഏറെ സഹായിക്കുന്ന ഘടകമാണ്. സൂര്യകാന്തി വിത്ത് - വൈറ്റമിൻ-ഇയുടെ നല്ലൊരു സ്രോതസാണ് സൂര്യകാന്തി വിത്തുകൾ.

Also read: സ്വയം കാറോടിച്ച് ആശുപത്രിയിൽ എത്തി ജമ്മു മുഖ്യമന്ത്രി ഒമർ അബ്ദുള്ള; പരിക്കേറ്റവരെ സന്ദർശിച്ചു, ഉന്നതതല യോ​ഗം

തലയോട്ടിയിലേക്കുള്ള രക്തയോട്ടം വർധിപ്പിക്കുന്നതിനും അതുവഴി മുടിയുടെ വളർച്ച കൂട്ടുന്നതിനുമെല്ലാം സൂര്യകാന്തി വിത്തുകൾ സഹായിക്കുന്നു. ഇവയലടങ്ങിയിരിക്കുന്ന എസൻഷ്യൽ ഫാറ്റി ആസിഡുകളാകട്ടെ മുടിക്ക് കേടുപാടുകൾ സംഭവിക്കുന്നത് പ്രതിരോധിക്കുകയും ചെയ്യുന്നു. ഉലുവ - മുടിയടെ ആരോഗ്യപരിപാലനത്തിനായി ഏറ്റവുമധികം ഉപയോഗപ്പെടുത്തേണ്ട ഒന്നാണ് ഉലുവ.

വിവിധ വൈറ്റമിനുകൾ, പ്രോട്ടീൻ എന്നിവയാലെല്ലാം സമ്പന്നമാണ് ഉലുവ. ഇവയെല്ലാം തന്നെ മുടിക്കുണ്ടാകുന്ന കേടുപാടുകൾ പരിഹരിക്കുന്നതിനും മുടി വളർച്ച കൂട്ടുന്നതിനും ഒരുപോലെ സഹായകമാണ്. അതുപോലെ, മുടിയുടെ തിളക്കവും ഭംഗിയും വർധിപ്പിക്കുന്നതിനും ഉലുവ സഹായിക്കുന്നു.

#seeds #promote #hairgrowth #included #diet #solve #hairproblems