#health | മുലയൂട്ടൽ കാൻസർ സാധ്യത കുറയ്ക്കുമോ? അറിയാം ...

(truevisionnews.com)  മുലയൂട്ടലിന്റെ ആരോഗ്യ ഗുണങ്ങൾ ചെറുതൊന്നുമല്ല. നവജാത ശിശുക്കൾക്ക് ഏറ്റവും പോഷകസമൃദ്ധമായ ഭക്ഷണമാണ് മുലപ്പാൽ. നവജാതശിശുവിന്റെ ആരോഗ്യവും പ്രതിരോധശേഷിയും വർദ്ധിപ്പിക്കുന്ന നിരവധി ഘടകങ്ങൾ മുലപ്പാലിൽ അടങ്ങിയിട്ടുണ്ട്.

Also read: പേവിഷബാധ, ആലപ്പുഴയിൽ നായയുടെ കടിയേറ്റ് ചികിത്സയിലിരുന്ന വിദ്യാർത്ഥി മരിച്ചു

കുഞ്ഞു ജനിച്ച ഉടൻതന്നെ അമ്മ ചുരത്തുന്ന മുലപ്പാലിനെ ‘കൊളസ്ട്രം’ എന്നു വിളിക്കുന്നു. ഇത് കുട്ടികളുടെ ആദ്യത്തെ മലവിസർജ്ജനം നീക്കം ചെയ്യാനും കുഞ്ഞിന്റെ സെൻസിറ്റീവായ കുടലിനെ സംരക്ഷിക്കാനും സഹായിക്കും.

കൊളസ്ട്രത്തിന് കുഞ്ഞുങ്ങളിൽ പ്രതിരോധശേഷി വർധിപ്പിക്കാനുള്ള കഴിവുമുണ്ട്. കുഞ്ഞിന് ഒരു മാസം പ്രായമാകുമ്പോഴേക്കും അമ്മയ്ക്കും കുഞ്ഞിനുമിടയിലെ ആത്മബന്ധം ശക്തിപ്പെടുത്താൻ ഇത് കാരണമാവും.

Also read: കടുവയുടെ അക്രമം? നാദാപുരം വിലങ്ങാടിൽ അജ്ഞാത ജീവി ഭക്ഷിച്ച നിലയില്‍ കാട്ടുപന്നിയുടെ ശരീരാവശിഷ്ടങ്ങള്‍

മുലപ്പാലിൽ ശിശുവിന്റെ പ്രതിരോധശേഷി ശക്തിപ്പെടുത്തുന്ന ആന്റിബോഡികൾ മാത്രമല്ല, ആരോഗ്യകരമായ ഗട്ട് മൈക്രോബയോട്ടയെ പ്രോത്സാഹിപ്പിക്കുന്നതിൽ നിർണായക പങ്ക് വഹിക്കുന്നു.

ഗുണം ചെയ്യുന്ന ബാക്ടീരിയകൾ ദഹനത്തിനും പോഷകങ്ങൾ ആഗിരണം ചെയ്യുന്നതിനും ദോഷകരമായ രോഗകാരികളിൽ നിന്ന് സംരക്ഷിക്കുന്നതിനും സഹായിക്കുന്നു. കൂടാതെ, മുലയൂട്ടൽ അമ്മയും കുഞ്ഞും തമ്മിലുള്ള ശക്തമായ വൈകാരിക ബന്ധം വളർത്തുന്നു.

Also read: കാറിന് പോലും രക്ഷയില്ല! കണ്ണൂരിൽ അസിസ്റ്റന്റ് കളക്ടറുടെ വാഹനം കടിച്ചുകീറി നശിപ്പിച്ച് തെരുവ് നായ്ക്കൾ

മുലയൂട്ടൽ കാൻസർ സാധ്യത കുറയ്ക്കുന്നുവോ ?

മുലയൂട്ടൽ ചിലതരം കാൻസറുകൾ ഉണ്ടാകുന്നത് തടയാൻ സഹായിക്കുന്നതായി പഠനങ്ങൾ പറയുന്നു. അതിനൊരു ഉദാഹരണമാണ് സ്തനാർബുദം. മുലയൂട്ടൽ സ്ത്രീകളിൽ സ്തനാർബുദം വരാനുള്ള സാധ്യത കുറയ്ക്കുമെന്ന് നിരവധി ഗവേഷണ പഠനങ്ങൾ സ്ഥിരമായി കണ്ടെത്തിയിട്ടുണ്ട്.

Also read: എയർ സൈറൺ മുഴങ്ങി; ചണ്ഡിഗഢിലും ജാഗ്രത, ജനങ്ങളോട് വീടിന് പുറത്തിറങ്ങരുതെന്ന് നിര്‍ദേശം

രണ്ട് വർഷം മുലയൂട്ടുന്നത് സ്തനാർബുദ സാധ്യത 1 ശതമാനം കുറയ്ക്കുമെന്ന് കാൻസർ മെഡിസിൻ ജേണലിൽ പ്രസിദ്ധീകരിച്ച ഒരു പഠനം കണ്ടെത്തിയിട്ടുണ്ട്. കൂടാതെ, മുലയൂട്ടൽ അണ്ഡാശയ, എൻഡോമെട്രിയൽ അർബുദങ്ങളിൽ നിന്നും സംരക്ഷണം നൽകുന്നതായി കണ്ടെത്തിയിട്ടുണ്ട്.

മുലയൂട്ടൽ എന്ന പ്രവർത്തനം ഈസ്ട്രജന്റെ പ്രകാശനം തടയുന്നതിലൂടെ അണ്ഡോത്പാദനത്തെ അടിച്ചമർത്താൻ സഹായിക്കുന്നു, ഇത് ഈ അർബുദങ്ങളുമായി ബന്ധപ്പെട്ട ഹോർമോണുകളിലേക്കുള്ള എക്സ്പോഷർ കുറയ്ക്കുന്നു.

കൂടാതെ, മുലയൂട്ടൽ സ്തനനാളങ്ങളിൽ നിന്നും അണ്ഡാശയങ്ങളിൽ നിന്നുമുള്ള കോശങ്ങളെ വേഗത്തിൽ പുറന്തള്ളാൻ സഹായിക്കുന്നുവെന്നും അതുവഴി രൂപാന്തരപ്പെട്ട കോശങ്ങൾ വികസിപ്പിക്കാനും മുഴകൾ രൂപപ്പെടാനുമുള്ള സാധ്യത കുറയ്ക്കുന്നതായും വിദ​ഗ്ധർ പറയുന്നു.

മുലയൂട്ടൽ കുഞ്ഞുങ്ങൾക്ക് പോഷകങ്ങൾ നൽകുക മാത്രമല്ല, അമ്മമാർക്ക് വിവിധ തരത്തിലുള്ള കാൻസറുകൾക്കെതിരെ ദീർഘകാല സംരക്ഷണ ഫലങ്ങൾ നൽകുകയും ചെയ്യുന്നു.

#Does #Breastfeeding #Reduce #Cancer #Risk? #know...