കരിമണ്ണൂര്‍ : 78കാരിയെ പീഡിപ്പിച്ച കേസില്‍ 55കാരന്‍ അറസ്റ്റില്‍. പരക്കെ നിരപ്പേല്‍ ബാബുവിനെ ആണ് കരിമണ്ണൂര്‍ പൊലീസ് അറസ്റ്റ് ചെയ്തത്.ഒന്നര മാസമായി ഒളിവിലായിരുന്ന ഇയാളെ പെരുമ്പാവൂരില്‍ നിന്നാണ് പിടികൂടിയത്.
രക്തസ്രാവത്തെ തുടര്‍ന്നാണ് വയോധികയെ ആശുപത്രിയില്‍ പ്രവേശിപ്പിച്ചത്. വൈദ്യപരിശോധനയിലാണ് പീഡനം നടന്നതായി കണ്ടെത്തിയത്. അന്ന് മുങ്ങിയ പ്രതി സൈബര്‍ സെല്ലിന്‍റെ സഹായത്തോടെ നടത്തിയ അന്വേഷണത്തിലാണ് വലയിലായത്.
തൊടുപുഴ ഡിവൈ.എസ്.പി പി.കെ. സദെന്‍റ നിര്‍ദേശപ്രകാരം സി.ഐ സുമേഷ് സുധാകര്‍, എസ്.ഐ ദിനേശ്, എ.എസ്.ഐമാരായ അനസ്, രാജേഷ്, സി.പി.ഒമാരായ മുജീബ്, ഷെരീഫ്, ഡബ്ല്യു.സി.പി.ഒ ജയ എന്നിവരുടെ നേതൃത്വത്തിലാണ് പ്രതിയെ പിടികൂടിയത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
55-year-old arrested in rape case
