തിരുവനന്തപുരം : മയക്ക് മരുന്ന് മുക്ത കേരളം ലക്ഷ്യമെന്ന് മുഖ്യമന്ത്രി പിണറായി വിജയൻ .മയക്ക് മരുന്നിനെതിരെ സംസ്ഥാന സർക്കാരിന്റെ ക്യാമ്മ്പയിന് തുടക്കമായി.വിദേശത്തുള്ള മുഖ്യമന്ത്രി കൈറ്റ് വിക്ടേഴ്സ് ചാനലിലൂടെ ഉത്ഘാടന പ്രസംഗം എല്ലാ വിദ്യാഭ്യാസ സ്ഥാപനങ്ങളിലുമെത്തിച്ചു.
വാക്കുകൾകൊണ്ടു പറഞ്ഞറിയിക്കാൻ കഴിയുന്നതല്ല മയക്കുമരുന്ന് എന്ന മാരകവസ്തു സൃഷ്ടിക്കുന്ന ഘോരവിപത്തുകൾ. അതു വ്യക്തിയെ തകർക്കുന്നു. കുടുംബത്തെ തകർക്കുന്നു. കുടുംബ ബന്ധങ്ങളെ തകർക്കുന്നു. സാമൂഹ്യ ബന്ധങ്ങളെ തകർക്കുന്നു. നാടിനെ തകർക്കുന്നു. അതു മനുഷ്യനെ മനുഷ്യനല്ലാതാക്കുന്നു. മനുഷ്യനു സങ്കൽപിക്കാനാവുന്നതും സങ്കല്പിക്കാൻ പോലുമാവാത്തതുമായ അതിഹീനമായ കുറ്റകൃത്യങ്ങളുടെ ഉറവിടമാണത്.
പ്രിയപ്പെട്ടവരെ കൊലചെയ്യുന്നതടക്കം എത്രയെത്ര ഘോരകുറ്റകൃത്യങ്ങളാണ് മയക്കുമരുന്നിൻറെ ഫലമായി സമൂഹത്തിൽ നടക്കുന്നത്. മനുഷ്യനെ മൃഗങ്ങളിൽ നിന്നു വ്യത്യസ്തനാക്കുന്നത് പാടുള്ളതും പാടില്ലാത്തതും തമ്മിൽ തിരിച്ചറിയാനുള്ള വിവേചന ബോധമാണ്. ഈ ബോധത്തെത്തന്നെ മയക്കുമരുന്ന് ഇല്ലാതാക്കുന്നു.മുഖ്യമന്ത്രി പറഞ്ഞു. .ഈ പ്രചാരണ പരിപാടിയുടെ മുഖ്യലക്ഷ്യം കുഞ്ഞുങ്ങളെയും യുവാക്കളെയും മയക്കുമരുന്നിനു വിട്ടുകൊടുക്കാതിരിക്കുക എന്നതാണെന്നും മുഖ്യമന്ത്രി കൂട്ടിച്ചേർത്തു.
ലഹരി വിരുദ്ധ പ്രചരണത്തിന്റെ ഭാഗമായി സംസ്ഥാനത്ത് ഒരുമാസം നീണ്ട് നില്ക്കുന്ന വിപുലമായ പരിപാടികളാണ് സംഘടിപ്പിച്ചിരിക്കുന്നത്. ഒക്ടോബര് 9ന് കുടംബശ്രീ അയല്ക്കൂട്ടങ്ങളില് ലഹരി വിരുദ്ധ സഭ നടത്തും. ഒക്ടോബര് 14ന് ബസ് സ്റ്റാന്ഡുകള്, റെയില്വേ സ്ററേഷനുകള് എന്നിവടങ്ങളില് വ്യാപരി വ്യവസായികളുടെ നേതൃത്വത്തില് ലഹരി വിരുദ്ധ സദസ്സ് സംഘടിപ്പിക്കും. .ഒക്ടോബര് 16ന് സംസ്ഥാനത്തെ എല്ലാ വാര്ഡുകളിലും ജനജാഗ്രത സദസ്സുകള് നടത്തും. നവംബര് 1ന് എല്ലാ വിദ്യാലയങ്ങലിലും ലഹരി വിരുദ്ധ ശ്രംഖലയും സംഘടിപ്പിക്കും.
'The goal of drug-free Kerala will be made possible by any means' - Chief Minister