കല്പ്പറ്റ: വയനാട് ജില്ലയിലെ പുല്പ്പള്ളി സ്വദേശിയായ ലോറി ഡ്രൈവര് പൂനെയില് കുഴഞ്ഞു വീണ് മരിച്ചു.പെരിക്കല്ലൂര് കടവ് കൂടാലയ്ക്കല് രജീഷ് (കുട്ടന്-33) ആണ് പൂനയില് കുഴഞ്ഞുവീണ് മരിച്ചതായി ബന്ധുക്കള്ക്ക് വിവരം ലഭിച്ചത്.
സഹഡ്രൈവര് ലോറി ഓടിക്കുന്നതിനിടയിലാണ് രജീഷിന് ദേഹാസ്വസ്ഥ്യം ഉണ്ടായതെന്നാണ് വിവരം. ദീര്ഘ നേരത്തെ ഡ്രൈവിംഗിന് ശേഷം വിശ്രമത്തിലായിരുന്നു രജീഷ്. സഹ ഡ്രൈവര് വാഹനം ഓടിക്കുന്നതിനിടെ അടുത്തിരുന്ന രജീഷ് കുഴഞ്ഞുവീഴുകയായിരുന്നു.
മൃതദേഹം നാളെ രാവിലെ പെരിക്കല്ലൂര് കടവിലെ വീട്ടില് എത്തിക്കും. ഭാര്യ: സിനി പാറ്റയില്. മകന്: നീരജ്. സംസ്കാരം നാളെ ഉച്ചകഴിഞ്ഞ് വീട്ടുവളപ്പില് നടക്കും.
വെള്ളച്ചാട്ടത്തിൽ കാൽവഴുതി വീണ് രണ്ട് യുവാക്കൾ മരിച്ചു
തൃശ്ശൂര്: തൃശ്ശൂർ മരോട്ടിച്ചാൽ വല്ലൂർ വെള്ളച്ചാട്ടത്തിൽ കാൽവഴുതി വീണ് രണ്ട് യുവാക്കൾ മരിച്ചു. ചെങ്ങാലൂർ സ്വദേശികളാണ് മരിച്ചത്. ചെങ്ങാലൂർ സ്വദേശികളായ മൂന്ന് പേര് വെള്ളച്ചാട്ടത്തില് കുളിക്കാനിറങ്ങിയതായിരുന്നു.
അതിനിടെയാണ് രണ്ടുപേര് ഒഴുക്കില് പെട്ടത്. മൃതദേഹങ്ങള് പുറത്തെടുത്തിട്ടുണ്ട്. വിശദാംശങ്ങള് ലഭ്യമായി വരുന്നതേയുള്ളു.
Lorry driver collapses and dies in Pune