---
title: "‘പണം വാങ്ങി ക്ഷമിക്കുന്നത്​ ആത്​മാഭിമാനത്തെ ബാധിക്കുമെന്ന്​ ബന്ധുക്കളെ അറിയിച്ചു’; നിമിഷപ്രിയയുടെ മോചനം മുടക്കാൻ ഒരു വിഭാഗം ശ്രമിച്ചെന്ന് കാന്തപുരം"
english_title: "kanthapuram says a group tried to block nimishapriyas release"
publisher: "truevisionnews.com"
canonical_url: "https://truevisionnews.com/news/305003/kanthapuram-says-a-group-tried-to-block-nimishapriyas-release"
published_at: "2025-07-28T07:46:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6886ddac9a37a_ytr.jpg"
keywords: []
---

# ‘പണം വാങ്ങി ക്ഷമിക്കുന്നത്​ ആത്​മാഭിമാനത്തെ ബാധിക്കുമെന്ന്​ ബന്ധുക്കളെ അറിയിച്ചു’; നിമിഷപ്രിയയുടെ മോചനം മുടക്കാൻ ഒരു വിഭാഗം ശ്രമിച്ചെന്ന് കാന്തപുരം

> **Lead Summary:** **പള്ളിക്കര(കൊച്ചി): [ **യമനിൽ വധശിക്ഷക്ക് വിധിക്കപ്പെട്ട നിമിഷപ്രിയയെ മോചിപ്പിക്കാനുള്ള​ ശ്രമത്തിന്​ രാജ്യത്ത്​ നിന്ന്​ തന്നെയുള്ള ചിലയാളുകൾ തുരങ്കം വെച്ചെന്ന്​ കാന്തപുരം എ.പി. അബൂബക്കർ മുസ്ലിയാർ. പണം വാങ്ങി ക്ഷമിക്കുന്നത്​ ആത്​മാഭിമാനത്തെ ബാധിക്കുമെന്ന തരത്തിൽ കൊല്ലപ്പെട്ടയാളുടെ ബന്ധുക്കൾക്ക്​ സ​ന്ദേശം നൽകിയാണ്​ ശ്രമങ്ങളെ മുടക്കാൻ ശ്രമിച്ചതെന്നും കാന്തപുരം വ്യക്തമാക്കി​.

## Article Content

**പള്ളിക്കര(കൊച്ചി): [ **യമനിൽ വധശിക്ഷക്ക് വിധിക്കപ്പെട്ട നിമിഷപ്രിയയെ മോചിപ്പിക്കാനുള്ള​ ശ്രമത്തിന്​ രാജ്യത്ത്​ നിന്ന്​ തന്നെയുള്ള ചിലയാളുകൾ തുരങ്കം വെച്ചെന്ന്​ കാന്തപുരം എ.പി. അബൂബക്കർ മുസ്ലിയാർ. പണം വാങ്ങി ക്ഷമിക്കുന്നത്​ ആത്​മാഭിമാനത്തെ ബാധിക്കുമെന്ന തരത്തിൽ കൊല്ലപ്പെട്ടയാളുടെ ബന്ധുക്കൾക്ക്​ സ​ന്ദേശം നൽകിയാണ്​ ശ്രമങ്ങളെ മുടക്കാൻ ശ്രമിച്ചതെന്നും കാന്തപുരം വ്യക്തമാക്കി​.

വളരെ കുറച്ച്​ ചില ആളുകളാണ്​ ഈ പ്രവൃത്തി ചെയ്തത്​. ഭൂരിപക്ഷം പേരും തന്‍റെ ശ്രമത്തിന്​ പിന്തുണ നൽകി. എല്ലാ ജീവജാലങ്ങൾക്കും ഗുണം നൽകുന്ന നിയമമാണ് ഇസ്‌ലാമിൽ​. അത് മുൻ നിർത്തിയാണ് തൽക്കാലം നിമിഷപ്രിയയെ സംരക്ഷിക്കാൻ സാധിച്ചത്​. നിയമപരമായിട്ടല്ല, മതപരമായിട്ടാണ് ഇടപെട്ടത്​.

രാജ്യങ്ങൾ തമ്മിലോ ജാതി, മത, നിറ, ലിംഗ വ്യത്യാസമോ ഇല്ലാതെ എല്ലാവരെയും മനുഷ്യരായി കാണനാകണം. അതിൽ നിന്നും യാതൊരു നേട്ടവും പ്രതീക്ഷിക്കരുത്​. ഇസ്​ലാം അതാണ് പഠിപ്പിക്കുന്നതെന്നും കാന്തപുരം കൂട്ടിച്ചേർത്തു. എസ്.വൈ.എസ് എറണാകുളം ജില്ലാ കമ്മറ്റി നിർമിച്ച പത്ത് ഭവനങ്ങൾ ഉൾക്കൊള്ളുന്ന ദാറുൽ ഖൈർ ഭവന സമുച്ചയം നാടിന് സമർപ്പിച്ച് സംസാരിക്കുകയായിരുന്നു അദ്ദേഹം.

### Related Links & Sources
- [Original Story Source](https://truevisionnews.com/news/305003/kanthapuram-says-a-group-tried-to-block-nimishapriyas-release)