---
title: "വായിൽ കപ്പലോടും സലാഡ്...! എളുപ്പത്തിൽ  തയ്യാറാക്കാം "
english_title: "salad recipie cookery "
publisher: "truevisionnews.com"
canonical_url: "https://truevisionnews.com/news/301932/salad-recipie-cookery"
published_at: "2025-07-11T16:37:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6870f0a861638_salad.jpg"
keywords: []
---

# വായിൽ കപ്പലോടും സലാഡ്...! എളുപ്പത്തിൽ  തയ്യാറാക്കാം 

> **Lead Summary:** ആരോഗ്യ സംരക്ഷണത്തിന് അത്യുത്തമമായ ഒരു വിഭവമാണ് സലാഡ്. രോഗങ്ങളുടെ സാധ്യത കുറയ്ക്കുക ദഹനം മെച്ചപ്പെടുത്തുക , രോഗപ്രതിരോധ ശേഷി വർദ്ധിപ്പിക്കുക, ഭാരം നിയന്ത്രിക്കാൻ സഹായിക്കുക തുടങ്ങിയ ഒട്ടേറെ ഗുണങ്ങളാണ് സലാഡിൻറെ പ്രത്യേകതകൾ. പ്രോട്ടീനുകളുടെ കലവറ തന്നെയാണ് സലാഡിനുള്ളത്. പഴങ്ങളും പച്ചക്കറികളും കൊണ്ട് സമൃദ്ധമായ സലാഡ് എളുപ്പത്തിൽ തയ്യാറാക്കി നോക്കിയാലോ?

## Article Content

ആരോഗ്യ സംരക്ഷണത്തിന് അത്യുത്തമമായ ഒരു വിഭവമാണ് സലാഡ്. രോഗങ്ങളുടെ സാധ്യത കുറയ്ക്കുക ദഹനം മെച്ചപ്പെടുത്തുക , രോഗപ്രതിരോധ ശേഷി വർദ്ധിപ്പിക്കുക, ഭാരം നിയന്ത്രിക്കാൻ സഹായിക്കുക തുടങ്ങിയ ഒട്ടേറെ ഗുണങ്ങളാണ് സലാഡിൻറെ പ്രത്യേകതകൾ. പ്രോട്ടീനുകളുടെ കലവറ തന്നെയാണ് സലാഡിനുള്ളത്. പഴങ്ങളും പച്ചക്കറികളും കൊണ്ട് സമൃദ്ധമായ സലാഡ് എളുപ്പത്തിൽ തയ്യാറാക്കി നോക്കിയാലോ?

**ചേരുവകൾ**

***ആപ്പിൾ-2 എണ്ണം***

***പൈനാപ്പിൾ - 1 എണ്ണം ***

***മുന്തിരി -ഒരു പിടി ***

***ക്യാരറ്റ് -1 എണ്ണം ***

***തക്കാളി -1 എണ്ണം ***

***സവാള -1 എണ്ണം***

***അനാർ -2 എണ്ണം***

***ചെറുപഴം -2 എണ്ണം***

***പേരക്ക-വലുത് 1എണ്ണം ***

***അവകാഡോ-1 എണ്ണം***

***നാരങ്ങനീര് - 2 എണ്ണം***

***ക്യാബേജ് -ചെറിയ കഷ്ണം ***

***ഉപ്പ് - ആവിശ്യത്തിന് ***

***കുരുമുളക് പൊടി -ആവിശ്യത്തിന്***

***പുളിയില്ലാത്ത തൈര് -ഓപ്ഷണൽ ***

**തയ്യാറാക്കുന്ന വിധം**

എല്ലാ പച്ചക്കറികളും പഴങ്ങളും കഴുകി വൃത്തിയാക്കിയ ശേഷം മുറിച്ച് ഒരു ബൗളിലേക്ക് ഇട്ട് കൊടുക്കുക. അതിലേക് ഉപ്പ്, കുരുമുളക് പൊടി, ആവിശ്യമെങ്കിൽ തൈര് എന്നിവ ചേർത്ത് നന്നായി ഇളക്കി യോജിപ്പിക്കുക . ശേഷം നാരങ്ങനീര് പിഴിഞ്ഞൊഴിച്ച് ഫ്രിഡ്ജിൽ വെച്ച് തണുപ്പിച്ചെടുക്കാം. നിമിഷങ്ങൾക്കകം ഉഗ്രൻ സലാഡ് റെഡി .

**പോഷകങ്ങളുടെ കലവറ**: പച്ചക്കറികൾ, പഴങ്ങൾ, ഇലക്കറികൾ എന്നിവയെല്ലാം സാലഡിൽ ഉൾപ്പെടുത്തുന്നതിനാൽ വിറ്റാമിനുകൾ, ധാതുക്കൾ, ആന്റിഓക്സിഡന്റുകൾ, നാരുകൾ (ഫൈബർ) എന്നിവയുടെ സമ്പന്നമായ ഉറവിടമാണ് സാലഡ്. ഇത് ശരീരത്തിന്റെ മൊത്തത്തിലുള്ള ആരോഗ്യത്തിന് അത്യാവശ്യമാണ്.

**ശരീരഭാരം നിയന്ത്രിക്കുന്നു**: സാലഡിൽ സാധാരണയായി കലോറി കുറവും ഫൈബർ കൂടുതലും ആയിരിക്കും. ഫൈബർ അടങ്ങിയ ഭക്ഷണം വയറു നിറഞ്ഞതായി തോന്നിപ്പിക്കുകയും അമിതമായി ഭക്ഷണം കഴിക്കുന്നത് തടയുകയും ചെയ്യും. ഇത് ശരീരഭാരം കുറയ്ക്കാനും നിലനിർത്താനും സഹായിക്കും.

**ദഹന ആരോഗ്യം മെച്ചപ്പെടുത്തുന്നു:** സാലഡിലെ ഫൈബർ ദഹനവ്യവസ്ഥയെ ആരോഗ്യകരമായി നിലനിർത്താൻ സഹായിക്കുന്നു. ഇത് മലബന്ധം പോലുള്ള പ്രശ്നങ്ങൾ ഒഴിവാക്കാനും കുടലിന്റെ ആരോഗ്യം വർദ്ധിപ്പിക്കാനും സഹായിക്കും.

**രക്തത്തിലെ പഞ്ചസാര നിയന്ത്രിക്കുന്നു**: സാലഡിലെ ഫൈബർ രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് തടയാൻ സഹായിക്കും. ഇത് പ്രമേഹരോഗികൾക്കും പ്രമേഹം വരാൻ സാധ്യതയുള്ളവർക്കും വളരെ പ്രയോജനകരമാണ്.

**ഹൃദയാരോഗ്യം: **സാലഡിൽ അടങ്ങിയിരിക്കുന്ന പഴങ്ങളും പച്ചക്കറികളും കൊളസ്ട്രോളിന്റെ അളവ് കുറയ്ക്കാനും രക്തസമ്മർദ്ദം നിയന്ത്രിക്കാനും സഹായിക്കും. ഇത് ഹൃദയാഘാതം, പക്ഷാഘാതം എന്നിവയുടെ സാധ്യത കുറയ്ക്കുന്നു.

**രോഗപ്രതിരോധശേഷി വർദ്ധിപ്പിക്കുന്നു**: വിറ്റാമിനുകളും ആന്റിഓക്സിഡന്റുകളും ധാരാളമായി അടങ്ങിയിട്ടുള്ളതിനാൽ സാലഡ് രോഗപ്രതിരോധശേഷി വർദ്ധിപ്പിക്കാനും വിവിധ രോഗങ്ങളിൽ നിന്ന് സംരക്ഷിക്കാനും സഹായിക്കും.

**കണ്ണുകളുടെ ആരോഗ്യം:** പല പച്ചക്കറികളിലും പഴങ്ങളിലും കണ്ണിന്റെ ആരോഗ്യത്തിന് ആവശ്യമായ വിറ്റാമിൻ എ, മറ്റ് ആന്റിഓക്സിഡന്റുകൾ എന്നിവ അടങ്ങിയിട്ടുണ്ട്.

### Related Links & Sources
- [Original Story Source](https://truevisionnews.com/news/301932/salad-recipie-cookery)