തലശ്ശേരി : (truevisionnews.com) തലശ്ശേരി പുതിയ ബസ്സ്റ്റാന്റിൽ ഗുണ്ടാ അക്രമം. വഴിയാത്രക്കാരനായ വയോധികനെ കല്ല് കൊണ്ട് തലക്കടിച്ചു പരിക്കേൽപിച്ചു . കൊയിലാണ്ടി സ്വദേശിയായ സിജോ(30)യെ തലശ്ശേരി പോലീസ് കസ്റ്റഡിയിലെടുത്തു .
വെള്ളിയാഴ്ച രാത്രിയായിരുന്നു സംഭവം. ആക്രി സാധനങ്ങൾ ശേഖരിച്ചു വിറ്റ് ഉപജീവനം കഴിയുന്ന ഇതര സംസ്ഥാന തൊഴിലാളിയായ ശിവ (55) യെയാണ് ആക്രമിച്ചത്. അടിയേറ്റ് തല തകർന്ന് അബോധാവസ്ഥയിൽ കുഴഞ്ഞു വീണ വയോധികൻ ഗുരുതരാവസ്ഥയിൽ പരിയാരം മെഡിക്കൽ കോളേജ് ആശുപത്രിയിൽ ചികിത്സയിലാണ്.
.gif)
രാത്രിയായാൽ ബസ് സ്റ്റാന്റിലും പരിസരങ്ങളിലും അലഞ്ഞ് നടന്ന് ഒറ്റപ്പെട്ട് നിൽക്കുന്നവരെയും അന്തിയുറങ്ങുന്ന വരെയും ഭീഷണിപ്പെടുത്തി പണം തട്ടുന്നത് സിജോയുടെ പതിവാണ്. ഏതാനും മാസങ്ങൾക്ക് മുൻപ് പുതിയ ബസ് സ്റ്റാൻ്റിലെ കോഫി ഹൗസ് പരിസരത്ത് ഗുണ്ടാപിരിവ് നൽകാത്ത വൈരാഗ്യത്തിന് മറ്റൊരു വയോധികനെ തലക്കടിച്ചു വീഴ്ത്തി പണം പിടിച്ചു പറിച്ച കേ സിൽ അറസ്റ്റിലായ സിജോ ജാമ്യത്തിലായിരുന്നു.
Gang violence Thalassery new bus stand passerby injured
