പ്രീ​ഡി​ഗ്രി തോ​റ്റ ക​ണ്ണ​ൻ ‘വ്യാജ ഡോക്ടറാ’യി; ത​ട്ടി​പ്പ് പുറത്തറിഞ്ഞത് കാലാവധി കഴിഞ്ഞ മരുന്ന് നൽകിയതോടെ, പിടിയിലായത് 81-ാം വയസ്സിൽ

ബേ​പ്പൂ​ർ(കോഴിക്കോട്): (www.truevisionnews.com) പ്രീ​ഡി​ഗ്രി തോ​റ്റ​ കോ​ഴി​ക്കോ​ട് നെ​ല്ലി​ക്കോ​ട് സ്വ​ദേ​ശി​യാ​യ വ്യാജ ഡോക്ടർ പിടിയിൽ. 2004 മു​ത​ൽ മാ​റാ​ട് സാ​ഗ​ര സ​ര​ണി​യി​ൽ വാ​യ​ന​ശാ​ല​ക്കു സ​മീ​പം ‘മാ​റാ​ട് മെ​ഡി​ക്ക​ൽ സെ​ന്റ​ർ’ എ​ന്ന പേ​രി​ൽ ചി​കി​ത്സാ കേ​ന്ദ്രം തു​ട​ങ്ങി​യ ഡോ. ​ഇ.​കെ. ക​ണ്ണ​ൻ എ​ന്ന കു​ഞ്ഞി​ക്ക​ണ്ണ​ൻ (81) ആണ് പി​ടി​യി​ലാ​യ​ത്. വ്യാ​ജ ഡോ​ക്ട​ർ 21 വ​ർ​ഷമാണ് നാ​ട്ടു​കാ​രെ ചി​കി​ത്സി​ച്ച് വ​ഞ്ചി​ച്ച് 81-ാം വയസ്സിലാണ് ഇയാൾ പിടിയിലാകുന്നത്. 21 വ​ർ​ഷ​ത്തി​നി​ടെ സാ​ധാ​ര​ണ​ക്കാ​രാ​യ ആ​യി​ര​ങ്ങ​ളാ​ണ് ഇ​യാ​ളു​ടെ ചി​കി​ത്സ​യി​ൽ വ​ഞ്ചി​ത​രാ​യ​ത്. ആ​ർ​ക്കും ഒ​രു സം​ശ​യ​ത്തി​നും ഇ​ട​വ​രു​ത്താ​ത്ത വി​ധ​മാ​ണ് ഇ​യാ​ളു​ടെ പെ​രു​മാ​റ്റം.

ബേ​പ്പൂ​ർ പാ​ലി​യേ​റ്റീ​വ് കെ​യ​ർ സൊ​സൈ​റ്റി​യു​ടെ പ​രി​ച​ര​ണ​ത്തി​ലു​ള്ള കി​ട​പ്പ് രോ​ഗി​ക​ൾ​ക്ക് ന​ൽ​കി​യ മ​രു​ന്നു​ക​ളു​ടെ പ​രി​ശോ​ധ​ന​യി​ൽ നി​ന്നാ​ണ് പാ​ലി​യേ​റ്റീ​വ് ന​ഴ്സു​മാ​ർ ക​ണ്ണ​ന്റെ ത​ട്ടി​പ്പ് പു​റ​ത്തു​കൊ​ണ്ടു​വ​ന്ന​ത്. രോ​ഗി​ക​ൾ​ക്ക് ഇ​യാ​ൾ ന​ൽ​കി​യ​ത് കാ​ലാ​വ​ധി ക​ഴി​ഞ്ഞ ഗു​ളി​ക​ക​ളും കു​പ്പി മ​രു​ന്നു​ക​ളു​മാ​ണ്.

Also read: വടകരയിൽ കാണാതായ സ്കൂൾ വിദ്യാർത്ഥിയെ പുഴയിൽ മരിച്ച നിലയിൽ കണ്ടെത്തി

കു​പ്പി​ക​ൾ​ക്ക് മു​ക​ളി​ൽ ഒ​ട്ടി​ച്ച ലേ​ബ​ലി​ലെ കാ​ലാ​വ​ധി രേ​ഖ​പ്പെ​ടു​ത്തു​ന്ന ഭാ​ഗം ചു​ര​ണ്ടി, മ​രു​ന്നു​ക​ൾ ക​ഴി​ക്കേ​ണ്ടു​ന്ന വി​ധം എ​ങ്ങി​നെ എ​ന്നു​ള്ള ലേ​ബ​ൽ മു​ക​ളി​ൽ ഒ​ട്ടി​ച്ചാ​ണ് ഇ​യാ​ൾ രോ​ഗി​ക​ൾ​ക്ക് സ്ഥി​ര​മാ​യി ന​ൽ​കി​യ​ത്. പാ​ലി​യേ​റ്റീ​വ് സൊ​സൈ​റ്റി സെ​ക്ര​ട്ട​റി​യാ​ണ് മാ​റാ​ട് പൊ​ലീ​സി​ൽ പ​രാ​തി ന​ൽ​കി​യ​ത്. പൊ​ലീ​സും ഡ്ര​ഗ്സ് ക​ൺ​ട്രോ​ൾ വി​ഭാ​ഗ​വും കാ​ലാ​വ​ധി ക​ഴി​ഞ്ഞ നി​ര​വ​ധി മ​രു​ന്നു​ക​ളാ​ണ് ഇ​യാ​ളി​ൽ​നി​ന്ന് പി​ടി​ച്ചെ​ടു​ത്ത​ത്.

ന​ല്ല​ളം പാ​ടം സ്റ്റോ​പ്പി​നു സ​മീ​പം സ്ഥി​ര താ​മ​സ​മാ​ക്കി​യാ​ണ് മൂ​ന്ന​ര​കി​ലോ​മീ​റ്റ​റോ​ളം ദൂ​രെ​യു​ള്ള തീ​ര​മേ​ഖ​ല​യു​ൾ​പ്പെ​ടു​ന്ന മാ​റാ​ട് പ്ര​ദേ​ശം കേ​ന്ദ്രീ​ക​രി​ച്ച് ചി​കി​ത്സാ കേ​ന്ദ്രം ആ​രം​ഭി​ച്ച​ത്. ഒ​രു​വി​ധ രേ​ഖ​ക​ളും ര​ജി​സ്ട്രേ​ഷ​നു​മി​ല്ലാ​തെ അ​ലോ​പ്പ​തി-​ആ​യു​ർ​വേ​ദ ചി​കി​ത്സ​യി​ലൂ​ടെ രോ​ഗി​ക​ൾ​ക്ക് കാ​ല​പ്പ​ഴ​ക്ക​മു​ള്ള മ​രു​ന്നു​ക​ൾ ന​ൽ​കി​യ​താ​യും അ​ന​ധി​കൃ​ത​മാ​യി മ​രു​ന്നു​ക​ൾ സൂ​ക്ഷി​ച്ച​താ​യും പൊ​ലീ​സ് ക​ണ്ടെ​ത്തി​യി​ട്ടു​ണ്ട്.

അ​ലോ​പ്പ​തി, ആ​യു​ർ​വേ​ദം വ​കു​പ്പു​ക​ളി​ലെ ഉ​ന്ന​ത ഉ​ദ്യോ​ഗ​സ്ഥ​ർ, ഡ്ര​ഗ്‌​സ് ക​ൺ​ട്രോ​ൾ വി​ഭാ​ഗം തു​ട​ങ്ങി​യ​വ​രു​ടെ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ലാ​ണ് ക​ണ്ണ​നെ​തി​രെ ആ​ൾ​മാ​റാ​ട്ടം ന​ട​ത്തി​യ​തി​നും ജ​ന​ങ്ങ​ളെ വ​ഞ്ചി​ച്ച​തി​നും കേ​സെ​ടു​ത്ത​ത്. നി യ​മ​വി​രു​ദ്ധ​മാ​യി സൂ​ക്ഷി​ച്ച​തും കാ​ലാ​വ​ധി ക​ഴി​ഞ്ഞ​തു​മാ​യ മ​രു​ന്നു​ക​ളും കോ​ട​തി​യി​ൽ ഹാ​ജ​രാ​ക്കി.

Also read: ധർമസ്ഥല കേസ്; പുതിയ വിവരങ്ങൾക്കായി ഹെൽപ്പ്‌ലൈൻ നമ്പറുകൾ, ഇന്നും കുഴിച്ച് പരിശോധന തുടരും

കൂ​ടു​ത​ൽ അ​ന്വേ​ഷ​ണം ന​ട​ത്തു​മെ​ന്നും പ്ര​തി​യെ വി​ശ​ദ​മാ​യി ചോ​ദ്യം​ചെ​യ്യു​മെ​ന്നും മാ​റാ​ട് ഇ​ൻ​സ്പെ​ക്ട​ർ എം.​എ​ൽ. ബെ​ന്നി ലാ​ലു പ​റ​ഞ്ഞു. ആ​രോ​ഗ്യ മ​ന്ത്രി​യു​ടെ നി​ർ​ദേ​ശ​പ്ര​കാ​രം സം​സ്ഥാ​ന ഡ്ര​ഗ്‌​സ് ക​ൺ​ട്രോ​ൾ വി​ഭാ​ഗ​വും വി​ഷ​യ​ത്തി​ൽ ശ​ക്ത​മാ​യ ന​ട​പ​ടി​ക​ൾ സ്വീ​ക​രി​ച്ചു​വ​രി​ക​യാ​ണ്.

fake doctor booked for selling expired drugs from clinic kozhikode