കഷ്ടപ്പെട്ടത് വെറുതെയായി .... ഉറങ്ങിക്കിടന്ന അമ്മയുടെയും മകളുടെയും സ്വർണാഭരണം കവർന്നു; പ്രതി മണിക്കൂറിനുള്ളിൽ പിടിയിൽ

കോട്ടയം: (truevisionnews.com) വീടിനുള്ളിൽ ഉറങ്ങിക്കിടന്ന അമ്മയുടെയും മകളുടെയും സ്വർണാഭരണങ്ങൾ കവർന്ന മോഷ്ടാവ് 24 മണിക്കൂറിനുള്ളിൽ പൊലീസ് പിടിയിൽ. ഇടുക്കി ജില്ലയിൽ അടിമാലി സ്വദേശി ടാർസൻ എന്ന് വിളിക്കുന്ന മനീഷിനെ (40) ആണ് പ്രത്യേക അന്വേഷണസംഘം അടിമാലി പൊലീസിന്റെ സഹായത്തോടെ അറസ്റ്റ് ചെയ്തത്.

കഴിഞ്ഞ ചൊവ്വാഴ്ചയാണ് കേസിനാസ്പദമായ സംഭവമുണ്ടായത്. പാലാ ഇടപ്പാടി കുറിച്ചി ജംങ്ഷൻ ഭാഗത്ത് പനച്ചിക്കപ്പാറയിൽ വീട്ടിൽ ജോസ് തോമസിന്റെ ഭാര്യ ക്രിസ്റ്റി ജോണിന്‍റെ വീട്ടിലാണ് മോഷണം നടന്നത്. പുരയിടത്തിൽ അതിക്രമിച്ചു കയറിയ മോഷ്ടാവ്, ജനാല വഴിയാണ് വീട്ടിലെ ബെഡ്‌റൂമിൽ ഉറങ്ങിക്കിടന്നിരുന്ന ക്രിസ്റ്റിയുടെയും ഇളയ മകളുടെയും കഴുത്തിൽ കിടന്ന സ്വർണാഭരണങ്ങൾ കവർന്നത്.

Also read: കെസിഎൽ രണ്ടാം സീസണിൽ തിളങ്ങാൻ തൃശൂരിൽ നിന്ന് ഏഴ് താരങ്ങൾ

സ്വർണാഭരണങ്ങൾക്ക് 1,80,000 രൂപ വില വരുമെന്നാണ് പൊലീസ് അറിയിച്ചു. മുതിർന്ന സിവിൽ പൊലീസ് ഓഫിസർ ജോബി ജോസഫ്, സിവിൽ പൊലീസ് ഓഫിസർമാരായ രഞ്ജിത്, ജോഷി മാത്യു എന്നിവരായിരുന്നു അന്വേഷണ സംഘത്തിൽ ഉണ്ടായിരുന്നത്.

Also read: കോഴിക്കോട് തൊട്ടിൽപ്പാലത്ത് വീണ്ടും കാട്ടാന ആക്രമണം; വീട്ടുമുറ്റത്ത് നിന്ന ദമ്പതികൾക്ക് പരിക്ക്

Gold ornaments stolen from sleeping mother daughter thief caught within 24 hours