ചെന്നൈ: (truevisionnews.com) ഏഴുവര്‍ഷം മുന്‍പ് മകന്‍ വാഹനാപകടത്തില്‍ മരിച്ചസ്ഥലത്ത് അച്ഛന്‍ ജീവനൊടുക്കി.
തിരുനെല്‍വേലി സ്വദേശിയും തമിഴ്നാട് പൊതുമരാമത്തുവകുപ്പ് മുന്‍ അസി. എന്‍ജിനിയറുമായ ജയറാം (63) ആണ് വിഷംകലര്‍ത്തിയ മദ്യംകഴിച്ച് മരിച്ചത്.
2017-ലാണ് ജയറാമിന്റെ മകന്‍ വിഘ്നേശ് രാജ പാളയംകോട്ട റെഡ്ഡിയാര്‍പ്പട്ടിയില്‍നടന്ന വാഹനാപകടത്തില്‍ മരിച്ചത്. അതിനുശേഷം ജയറാം കടുത്ത നിരാശയിലായിരുന്നു. മദ്യപാനവും പതിവാക്കി.
മകന്‍ അപകടത്തില്‍പ്പെട്ട റെഡ്ഡിയാര്‍പ്പട്ടിയില്‍ കഴിഞ്ഞദിവസമെത്തിയ ഇയാള്‍ ഇവിടെവെച്ച് മദ്യംകഴിക്കുകയായിരുന്നു.
റോഡരികില്‍ വീണുകിടന്നിരുന്ന ജയറാമിനെ നാട്ടുകാര്‍ചേര്‍ന്ന് പാളയംകോട്ട സര്‍ക്കാര്‍ ആശുപത്രിയില്‍ എത്തിച്ചു.ഇവിടെനടത്തിയ പരിശോധനയിലാണ് വിഷംകലര്‍ത്തിയ മദ്യമാണ് കഴിച്ചതെന്ന് കണ്ടെത്തിയത്. തുടര്‍ന്ന് ചികിത്സിച്ചെങ്കിലും രക്ഷിക്കാനായില്ല.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)
#Seven #years #ago #father #committed #suicide #place #his #son #died #accident.
.jpg)
