എരുമേലി:(truevisionnews.com) ട്രാഫിക് ഡ്യൂട്ടി ചെയ്തിരുന്ന പൊലീസ് ഉദ്യോഗസ്ഥനെ ആക്രമിച്ച സംഭവത്തിൽ യുവാവ് അറസ്റ്റിൽ .
എരുമേലി കരിനിലം ഇടകടത്തി ചപ്പാത്ത് ഭാഗത്ത് വാടകക്ക് താമസിക്കുന്ന നിഥിൻ ബാബുവിനെയാണ് (29) എരുമേലി പൊലീസ് അറസ്റ്റ് ചെയ്തത്.
മണ്ഡല മകരവിളക്ക് ഡ്യൂട്ടിയോടനുബന്ധിച്ച് കൊരട്ടി ഭാഗത്ത് ട്രാഫിക് ഡ്യൂട്ടി ചെയ്തിരുന്ന പൊലീസ് ഉദ്യോഗസ്ഥനെ ഇയാൾ ചീത്തവിളിക്കുകയും ധരിച്ചിരുന്ന യൂണിഫോം നശിപ്പിക്കുകയും ആക്രമിക്കുകയുമായിരുന്നു. തുടർന്ന് കൂടുതൽ പൊലീസ് എത്തിയാണ് ഇയാളെ കീഴ്പ്പെടുത്തിയത്.
എരുമേലി എസ്.എച്ച്.ഒ ബിജു ഇ.ഡി, എസ്.ഐമാരായ രാജേഷ് ടി.ജി, രവി പി.കെ, സി.പി.ഒ അനീഷ് കെ.എൻ എന്നിവർ ചേർന്നാണ് ഇയാളെ അറസ്റ്റ് ചെയ്തത്. നിഥിൻ എരുമേലി സ്റ്റേഷനിൽ ക്രിമിനൽകേസിൽ പ്രതിയാണ്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
#youth #arrested #assaulting #police #officer #traffic #duty.
