ന്യൂഡല്‍ഹി: (truevisionnews.com) ദമ്പതിമാരുടെ കലഹത്തിനിടെ ഇടപെട്ട അയല്‍വാസിയ്ക്ക് ഭര്‍ത്താവിന്റെ മര്‍ദ്ദനത്തില്‍ ദാരുണാന്ത്യം.
സംഭവത്തില്‍ പ്രതിയായ നാല്‍പ്പത്തിരണ്ടുകാരനെ അറസ്റ്റ് ചെയ്തതായി ഡല്‍ഹി പോലീസ് വെള്ളിയാഴ്ച അറിയിച്ചു. ബുധനാഴ്ചയാണ് സംഭവം.
അറസ്റ്റിലായ ധീരജ് ഭാര്യയെ അധിക്ഷേപിക്കുകയും ആക്രമിക്കുകയും ചെയ്യുന്നതിനിടെ അയല്‍വാസിയായ രണ്‍സിങ് ഇടപെടുകയായിരുന്നു.
ധീരജിനെ തടയാന്‍ രണ്‍ സിങ് ശ്രമിച്ചു. തുടര്‍ന്ന് ഇരുവരും തമ്മില്‍ അടിപിടിയുണ്ടാകുകയും ഇരുമ്പ് ദണ്ഡുപയോഗിച്ച് ധീരജ് രണ്‍ സിങ്ങിന്റെ തലയ്ക്കടിക്കുകയുമായിരുന്നു.
മര്‍ദ്ദനത്തേ തുടര്‍ന്ന് രണ്‍സിങ് പടിക്കെട്ടിലൂടെ താഴേക്ക് വീഴുകയും തലയ്ക്ക് ഗുരുതരപരിക്കുകളേല്‍ക്കുകയും ചെയ്തതായി പോലീസ് പറഞ്ഞു.
രണ്‍ സിങ്ങിനെ ബന്ധുക്കള്‍ ഉടനേ തന്നെ ആശുപത്രിയിലെത്തിച്ചെങ്കിലും അതിനുമുന്‍പ് മരണം സംഭവിച്ചിരുന്നു. ധീരജിനെതിരേ കൊലക്കുറ്റം ചുമത്തിയതായും പോലീസ് കൂട്ടിച്ചേര്‍ത്തു.
#Intervening #during #couple's #quarrel #neighbor #met #tragic #end #beating #her #husband
