തിരുവനന്തപുരം: (truevisionnews.com) ആറ്റിങ്ങലില്‍ പെട്രോള്‍ പന്തമെറിഞ്ഞ് വീടും കാറും അഗ്‌നിക്കിരയാക്കി. ആക്രമണത്തില്‍ കാര്‍ കത്തിനശിച്ചു.
വീടിനും കേടുപാടുകളുണ്ട്. ആറ്റിങ്ങല്‍ ആലങ്കോട് ദാറുസ്സലാം വീട്ടില്‍ സഫറുദ്ദീന്റെ വീടിനുനേരെയാണ് കഴിഞ്ഞദിവസം രാത്രി 11.45ഓടെ ആക്രമണമുണ്ടായത്.
ഉഗ്ര ശബ്ദം കേട്ട് വീടിന് പുറത്തെത്തിയപ്പോഴാണ് കാര്‍പോര്‍ച്ചില്‍ ഉണ്ടായിരുന്ന വാഹനം കത്തുന്നത് വീട്ടുകാര്‍ കണ്ടത്. വീടിന്റെ മുന്‍വശത്തും തീപടര്‍ന്നു. കാറിലെ തീ അണയ്ക്കാന്‍ ശ്രമിക്കവെ സഫറുദ്ദീന്റെ കാലിന് പൊള്ളലേറ്റു.
പെട്രോള്‍ പോലുള്ള ദ്രാവകം നിറച്ച കാനും തീപന്തവും കാറിനെ നേരെ ആക്രമികള്‍ എറിയുകയായിരുന്നുവെന്ന് വീട്ടുകാര്‍ പറയുന്നു.
ആക്രമണത്തിന്റെ സിസിടിവി ദൃശ്യങ്ങള്‍ പോലീസില്‍ ലഭിച്ചിട്ടുണ്ട്. നഗരൂര്‍ പോലീസ് സ്ഥലത്തെത്തി അന്വേഷണം ആരംഭിച്ചു.
കഴിഞ്ഞ ജൂണിലും വീടിന് നേരെ ആക്രമണം ഉണ്ടായി. വീടിന്റെ ചില്ലുകള്‍ തകര്‍ക്കുകയും കേബിളുകള്‍ നശിപ്പിക്കുകയും ചെയ്തിരുന്നു.
പിന്നാലെ സിസിടിവി ക്യാമറകള്‍ സ്ഥാപിച്ചെങ്കിലും ആക്രമികള്‍ അതും നശിപ്പിച്ചു. നിരവധി പരാതികള്‍ പോലീസില്‍ വീട്ടുകാര്‍ നല്‍കിയിട്ടുണ്ട്.
#Loudnoises #middle #night #dousing #petrol #setting #house #car #fire #Homeowner #burns
