കോഴിക്കോട്: (truevisionnews.com) കായണ്ണയില്‍ ഇടിമിന്നലേറ്റ് തൊഴിലുറപ്പ് തൊഴിലാളികള്‍ക്ക് പരിക്ക്.
കനത്ത മഴക്കൊപ്പം ഉണ്ടായ ഇടിമിന്നലിലാണ് ആറ് സ്ത്രീ തൊഴിലാളികള്‍ക്ക് പരിക്കേറ്റത്. കായണ്ണ 12 ാം വാര്‍ഡില്‍ ഇന്ന് വൈകിട്ട് 3 മണിയോടെയാണ് സംഭവം.
പരിക്കേറ്റ നമ്പ്രത്തുമ്മല്‍ കദീശ (60), നമ്പ്രത്തുമ്മല്‍ നസീമ (42), നമ്പ്രത്തുമ്മല്‍ അനിത (38), നമ്പ്രത്തുമ്മല്‍ സുമിഷ (39), നമ്പ്രത്തുമ്മല്‍ റുഖിയ (45), നമ്പ്രത്തുമ്മല്‍ കല്യാണി (73) എന്നിവര്‍ക്കാണ് പരിക്കേറ്റത്.
ഇവരെ പേരാമ്പ്ര ഇഎംഎസ് സഹകരണ ആശുപത്രിയില്‍ പ്രവേശിപ്പിച്ചു. മാവുള്ള പറമ്പില്‍ റസാഖിന്റെ പറമ്പില്‍ തൊഴിലെടുക്കുന്നതിനിടയിലാണ് ഇടിമിന്നലേറ്റത്.
#Job #security #workers #injured #Kozhikode #lightning #strike
