മലപ്പുറം: വീട്ടിൽ അതിക്രമിച്ചു കയറി 14 കാരിയെ ലൈംഗികമായി പീഡിപ്പിച്ച 36 കാരന് 70 വർഷം തടവ് ശിക്ഷ. തിരുവനന്തപുരം നെയ്യാറ്റിൻകര സ്വദേശി അൽ അമീനെയാണ് പെരിന്തൽമണ്ണ അതിവേഗ പ്രത്യേക കോടതി ശിക്ഷിച്ചത്.
2020 ഒക്ടോബർ 9, നവംബർ 13 ദിവസങ്ങളിൽ നടന്ന സംഭവത്തിന്റെ പശ്ചാത്തലത്തിലാണ് വണ്ടൂർ പോലീസ് കേസ് രജിസ്റ്റർ ചെയ്തത്.
പെൺകുട്ടിയുടെ വീട്ടിൽ അതിക്രമിച്ചു കയറി അതിക്രൂരമായി ലൈംഗികാതിക്രമത്തിന് ഇരയാക്കുകയായിരുന്നുവെന്നാണ് കേസ്.
സംഭവത്തിൽ പ്രതി 1.6 ലക്ഷം രൂപ പിഴയും അടക്കണം. പിഴ അടച്ചില്ലെങ്കിൽ മൂന്ന് വർഷം അധിക തടവും അനുഭവിക്കണം. കേസിൽ 16 സാക്ഷികളെയാണ് വിസ്തരിച്ചത്. 34 രേഖകളും പ്രോസിക്യൂഷൻ ഹാജരാക്കിയിരുന്നു.
#36 #year #old #jailed #70 #years #breaking #house #sexually #assaulting #14 #year #old
