വെള്ളമുണ്ട(വയനാട് ) : (truevisionnews.com) അധികാരത്തിന് വേണ്ടി വർഗീയത പ്രചരിപ്പിച്ച് ജനത്തെ തമ്മിലടിപ്പിക്കുമ്പോൾ മതേതര കേരളത്തിന് കാവലാളായി ഇടത് പക്ഷം മാത്രമേ ഉണ്ടാകുമെന്നും മാറാട് കലാപ കാലം ഇതിന് സാക്ഷിയാണെന്നും സിപിഐഎം സംസ്ഥാന കമ്മറ്റി അംഗം പി ജയരാജൻ പറഞ്ഞു.
വയനാട് കണ്ണീർ ദുരന്തത്തിൽ മുങ്ങിയപ്പോൾ വീണ വായിക്കാനെത്തിയ പ്രധാന മന്ത്രി നരേന്ദ്ര മോദിക്കെതിരെ പാർലമെൻ്റിൽ ശബ്ദമുയർത്താൻ രാഹുൽ ഗാന്ധിയും 18 എം പിമാരും അമ്പേ പരാജയപ്പെട്ടതായും ജയരാജൻ പറഞ്ഞു.
സിപിഐഎം വെള്ളമുണ്ട പത്താം മൈൽ ലോക്കൽ സമ്മേളന പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സിപിഐഎം ലോക്കൽ സെക്രട്ടറി സാബു പി ആന്റണി അധ്യക്ഷത വഹിച്ചു.
യോഗത്തിൽ ഉണ്ണികൃഷ്ണൻ , പാർട്ടി ഏരിയ സെക്രട്ടറി എ ജോണി, പി എ അസീസ്, ആന്റണി പി ജെ എന്നിവർ സംസാരിച്ചു. സി വി മജീദ് സ്വാഗതം പറഞ്ഞു.
#Only #left #guardian #secular #Kerala #PJayarajan
