വാഷിങ്ടണ്‍: (truevisionnews.com) അമേരിക്കയില്‍ വാഷിങ്ടണില്‍ കുടുംബത്തിലെ അഞ്ചു പേരെ വെടിവെച്ചു കൊലപ്പെടുത്തി 15 വയസ്സുകാരൻ.
അച്ഛനെയും അമ്മയെയും ഏഴും ഒമ്പതും പതിമൂന്നും വയസ്സുള്ള മൂന്ന് സഹോദരങ്ങളെയുമാണ് കൊലപ്പെടുത്തിയത്. സീറ്റിൽ സ്വദേശിയായ മാര്‍ക്ക് ഹമ്മിസറ്റണ്‍, സാറാ ഹമ്മിസ്റ്റണ്‍ എന്നീ ദമ്പതിമാരാണ് കൊല്ലപ്പെട്ടത്. ഒക്ടോബര്‍ 22-ന് ആയിരുന്നു സംഭവം.
അക്രമത്തിൽ പരിക്കേറ്റ സഹോരിയുടെ മൊഴിയുടെ അടിസ്ഥാനത്തിലാണ് അക്രമിയെ പോലീസ് പിടികൂടിയത്. പരിക്കേറ്റ 11 വയസ്സുകാരിയായ സഹോദരി മരിച്ചതായി അഭിനയിച്ച് കിടന്നാണ് പ്രതിയെ കണ്ടെത്തുന്നതില്‍ വഴിത്തിരിവായതെന്ന് വാഷിങ്ടണ്‍ കോടതിയില്‍ സമര്‍പ്പിച്ച പോലീസ് റിപ്പോർട്ടിൽ പറയുന്നു.
വെടിവെപ്പിനായി ഉപയോഗിച്ച തോക്ക് പതിനൊന്നുവയസ്സുകാരി തിരിച്ചറിഞ്ഞിട്ടുണ്ട്. അച്ഛന്റെ കൈവശമുണ്ടായിരുന്ന തോക്കാണ് സഹോദരന്‍ കുടുംബാഗങ്ങളെ കൊല്ലാനായി ഉപയോഗിച്ചതെന്ന് കുട്ടി മൊഴി നല്‍കിയിട്ടുണ്ട്.
കുടുംബാഗങ്ങള്‍ മരിച്ചുവെന്ന് ഉറപ്പാക്കാനായി സഹോദരന്‍ മൃതദേഹങ്ങളുടെ അടുത്തെത്തിയപ്പോള്‍ കഴുത്തിന് പുറകിലും കയ്യിലും വെടിയേറ്റ 11 വയസ്സുകാരി മരിച്ചതായി അഭിനിയിച്ച് കിടക്കുകയായിരുന്നു.
മുറിയില്‍നിന്ന് സോഹദരന്‍ പുറത്തുപോയതിനു ശേഷം ഫയര്‍എക്‌സിറ്റ് വഴി രക്ഷപ്പെട്ട സഹോദരി അടുത്തുള്ള വീട്ടില്‍ ചെന്ന് വിവരം അറിയിച്ചു. തുടർന്ന് ഇവർ പോലീസിനെ അറിയിക്കുകയായിരുന്നു. ജുവനൈല്‍ കോടതി 15 വയസ്സുകാരനെതികെ കേസെടുത്തിട്ടുണ്ട്.
#15 #year #old #boy #shot #killed #five #members #his #family #Washington.
.jpg)
