കോഴിക്കോട് : (truevisionnews.com) ഒളിഞ്ഞും തെളിഞ്ഞും ജില്ലാ പഞ്ചായത്ത് പ്രസിഡന്റിനെ ന്യായീകരിക്കുകയാണ് സി.പി.എം ചെയ്യുന്നത് .
കണ്ണൂര്‍ എ.ഡി. എമ്മിന്റെ മരണത്തില്‍ സര്‍ക്കാരും മുഖ്യമന്ത്രിയും സ്വീകരിക്കുന്നത് മനുഷ്യത്വരഹിത സമീപനമാണെന്ന് ബി.ജെ.പി സംസ്ഥാന ജന.സെക്രട്ടറി എം.ടി. രമേശ്. കോഴിക്കോട് മാധ്യമപ്രവര്‍ത്തകരോട് സംസാരിക്കുകയായിരുന്നു എം.ടി രമേശ്.
ഉന്നത സര്‍ക്കാര്‍ ഉദ്യോഗസ്ഥന് നേരിടേണ്ടി വന്ന വിധിയെ കുറിച്ച് മുഖ്യമന്ത്രിക്ക് മിണ്ടാട്ടമില്ല. പി.പി.ദിവ്യക്കെതിരെ എന്ത് കൊണ്ട് ആത്മഹത്യ പ്രേരണ കുറ്റം ചുമത്തുന്നില്ലെന്നും എന്തുകൊണ്ടാണ് കണ്ണൂര്‍ ജില്ലാ പഞ്ചായത്ത് പ്രസിഡന്റിനെ മാറ്റാത്തതെന്നും രമേശ് ചോദിച്ചു.
സി.പി.എം. കണ്ണൂര്‍ ജില്ല നേതൃത്വത്തിന്റേത് അഴകൊഴമ്പന്‍ പ്രസ്താവനയാണ്.സൈബര്‍ സഖാക്കളെ ഉപയോഗിച്ച് എ.ഡി.എമ്മിനേയും കുടുംബത്തെയും തേജോവധം ചെയ്യുന്നു.
പെട്രോള്‍ പമ്പ് അനുവദിക്കുന്നതില്‍ ജില്ലാ പഞ്ചായത്ത് പ്രസിഡന്റിന് എന്താണ് റോളെന്നും ജില്ലാ പഞ്ചായത്ത് പ്രസിഡന്റ് നടത്തിയ ശുപാര്‍ശയാണ് ഏറ്റവും വലിയ അഴിമതിയെന്നും അദ്ദേഹം അരോപിച്ചു.
ജില്ലാ പഞ്ചായത്ത് പ്രസിഡന്റിന് ഇക്കാര്യത്തിലുള്ള താത്പര്യം എന്തെന്ന് വ്യക്തമാക്കണം. ആരെ സംരക്ഷിക്കാനാണ് മുഖ്യമന്ത്രി മൗനം പാലിക്കുന്നത്. ജില്ലാ പഞ്ചായത്ത് പ്രസിഡന്റ് സ്വന്തം താത്പര്യത്തിനനുസരിച്ചല്ല ഇടപ്പെട്ടത്. സി.പി.എം.കണ്ണൂര്‍ ജില്ല നേതൃത്വത്തിന് വേണ്ടിയാണ്. ദിവ്യക്കെതിരേ കേസെടുക്കാതിരിക്കുമ്പോള്‍ സര്‍ക്കാര്‍ അവര്‍ക്കൊപ്പമാണ് എന്നത് വ്യക്തമാണെന്നും രമേശ് പറഞ്ഞു.
പരാതി മുന്‍കൂറായി തീയതി ഇട്ട് കെട്ടിച്ചമച്ചതാണ് ഇത് മനസിലാക്കാനുള്ള സാമാന്യ ബുദ്ധി ജനങ്ങള്‍ക്കുണ്ടെന്നും അദ്ദേഹം പറഞ്ഞു.
ബി.ജെ.പി സ്ഥാനാര്‍ത്ഥികളെക്കുറിച്ച് കേരളത്തില്‍ ആലോചന കഴിഞ്ഞു. കേന്ദ്ര നേതൃത്വം ആണ് തീരുമാനിക്കേണ്ടത് ധൃതികൂട്ടേണ്ട കാര്യമില്ലെന്നും തിരഞ്ഞെടുപ്പുമായി ബന്ധപ്പെട്ട് അദ്ദേഹം വ്യക്തമാക്കി. പാലക്കാട് സ്ഥാനാര്‍ത്ഥിത്വത്തെ കുറിച്ച് ഒരു ആശയക്കുഴമില്ലെന്നും നേരത്തെ സ്ഥാനാര്‍ഥികളെ പ്രഖ്യാപിച്ച കോണ്‍ഗ്രസില്‍ തമ്മിലടി തുടങ്ങിയെന്നും എം.ടി. രമേശ് പറഞ്ഞു.
#CPM #justifying #ppdivya #covertly #openly #mtramesh.
.jpg)
