#Clash | സി.പി.എം. ബ്രാഞ്ച് സമ്മേളനത്തിൽ കയ്യാങ്കളി; പാർട്ടി കത്ത് വലിച്ചു കീറി ബ്രാഞ്ച് അംഗം

തിരുവനന്തപുരം:(truevisionnews.com) ശ്രീകാര്യത്ത് സി.പി.എം. ബ്രാഞ്ച് സമ്മേളനത്തിൽ കയ്യാങ്കളി. അംഗങ്ങൾ ചേരിതിരിഞ്ഞ് നടത്തിയ പോർവിളി കയ്യാങ്കളിയിൽ അവസാനിച്ചതോടെ ബ്രാഞ്ച് സമ്മേളനം നിർത്തിവെച്ചു.

Also read: #Illikalkall | കൂനൻ കല്ല് കാണാൻ മല കയറാം; മലനിരകൾക്ക് നടുവിലായി തലയുയർത്തി നിൽക്കുന്ന ഇല്ലിക്കൽ കല്ലിലേക്കൊരു യാത്ര

ശ്രീകാര്യം ലോക്കൽ കമ്മറ്റിക്ക് കീഴിലെ ശ്രീകാര്യം ബ്രാഞ്ച് സമ്മേളനമാണ് കയ്യാങ്കളിയിൽ അവസാനിച്ചത്.

പാർട്ടി സമ്മേളനങ്ങളിൽ വ്യക്തിപരമായ അധിക്ഷേപങ്ങൾ പാടില്ലെന്ന പാർട്ടിയുടെ കത്ത് നേരത്തേ എല്ലാ കമ്മിറ്റികൾക്കും നൽകിയിരുന്നു.

Also read: #protest | ദേശീയപാത നിര്‍മാണത്തിനായി മണ്ണെടുപ്പ്; കോഴിക്കോട് ചേളന്നൂരില്‍ നാട്ടുകാരുടെ പ്രതിഷേധം

എന്നാൽ കത്ത് നിലനിൽക്കെ സമ്മേളനത്തിൽ ഏരിയാ സെക്രട്ടറിയെയും ഏരിയാ കമ്മറ്റി അംഗത്തെയും ബ്രാഞ്ച് അംഗം വ്യക്തിപരമായി വിമർശിച്ചു.

ഇതോടെ ലോക്കൽ കമ്മിറ്റി സെക്രട്ടറി ചെറുവല്ലി രാജൻ വിഷയത്തിലിടപ്പെടുകയും പാർട്ടി കത്തിലെ ഭാഗം വായിക്കുകയുമായിരുന്നു.

Also read: #murder | വീട്ടുജോലി അവഗണിച്ചു, 18കാരിയെ പ്രഷർ കുക്കറിന് അടിച്ചുകൊന്ന് പിതാവ്

ഇതിൽ പ്രകോപിതനായ പാർട്ടി അംഗം കത്ത് പിടിച്ചു വാങ്ങി വലിച്ചു കീറി. തുടർന്ന് സെക്രട്ടറിയെ പിന്തുണയ്ക്കുന്നവരും അല്ലാത്തവരും ഇരു ചേരിയായി തിരിഞ്ഞ് പോർവിളിച്ചു. ഇത് കയ്യാങ്കളിയിൽ അവസാനിച്ചു.

ഇതോടെ ശ്രീകാര്യം ലോക്കൽ കമ്മിറ്റിയിലെ എല്ലാ ബ്രാഞ്ച് സമ്മേളനങ്ങളും മാറ്റിവച്ചു. കഴിഞ്ഞ സമ്മേളനത്തിലും ശ്രീകാര്യം ലോക്കൽ കമ്മിറ്റിയിൽ വിഭാഗീയത ഉണ്ടായിരുന്നു.

#CPM #Handshake #branchmeeting #branchmember #tore #partyletter