പാലേരി : (truevisionnews.com ) മഞ്ഞപിത്തത്തെ തുടർന്ന് വടക്കുമ്പാട് ഹയര് സെക്കണ്ടറി സ്കൂള് നാളെ തുറക്കില്ല .
ചങ്ങരോത്ത് പഞ്ചായത്തിലെ വടക്കുമ്പാട് ഹയര് സെക്കന്ഡറി സ്കൂളിലെ 250 ല് പരം വിദ്യാര്ഥികള്ക്കും അധ്യാപകര്ക്കും അവരുമായി ബന്ധപ്പെട്ട ആളുകള്ക്കും മഞ്ഞപ്പിത്തം പിടിപെട്ട സാഹചര്യത്തിലാണ് വടക്കുമ്പാട് സ്കൂള് നാളെ തുറന്ന് പ്രവർത്തിക്കാത്തത്.
സ്കൂള് പിടിഎയും സ്റ്റാഫും സംയുക്ത യോഗം ചോര്ന്ന് ആരോഗ്യ വകുപ്പ്, പഞ്ചായത്ത് അധികൃതരുമായി ചര്ച്ച നടത്തിയ ശേഷമായിരിക്കും സ്കൂള് തുറക്കുന്ന കാര്യം തീരുമാനിക്കുക.
സ്കൂളിലെ കുട്ടികള്ക്ക് കൂടുതലായി മഞ്ഞപ്പിത്തം ബാധിച്ച സംഭവത്തിലെ ഉറവിടം വ്യക്ത്തമാകാത്ത സാഹചര്യമാണ് നിലവിൽ ആശങ്കപ്പെടുത്തുന്നത് .
സ്കൂളിലെയും സമീപത്തെയും കിണറുകള് പരിശോധിച്ച് ഫലം നെഗറ്റീവ് ആണെങ്കിലും കിണറിലെ വെള്ളത്തില് ക്ലോറിനൈസേഷന് നടത്തിയ ശേഷമാണ് പരിശോധിച്ചത് എന്ന ആക്ഷേപം നിലനില്ക്കുകയാണ്.
#Jaundice #vadakkumbad #Higher #Secondary #School #will #not #open #tomorrow