വയനാട് : (truevisionnews.com) ചൂരൽമലയിൽ വെള്ളരിമല വില്ലേജ് ഓഫീസിനോട് ചേർന്നുള്ള ജനവാസമേഖലയിൽ കാര്യക്ഷമമായ തിരച്ചിൽ നടത്തിയാൽ ഇനിയും മൃതദേഹങ്ങൾ കണ്ടെത്താനാവുമെന്ന് നാട്ടുകാർ.
നിരവധി വീടുകളും ലയങ്ങളും വിലേജ് ഓഫീസും ആളുകൾ നടന്നുപോവുന്ന വഴികളുമുണ്ടായിരുന്ന പ്രദേശം മുഴുവനായി ഇന്ന് മണ്ണിനടിയിലാണ്.
രണ്ടുദിവസമായി ഇവിടെ നടത്തിയ തിരച്ചിലിൽ 34 മൃതശരീരങ്ങളാണ് കണ്ടെത്തിയത്.
നിരവധി ലയങ്ങൾ ഉണ്ടായിരുന്ന സ്ഥലമാണിതെന്നും അതിനാൽ മികച്ച സംവിധാനങ്ങൾ എത്തിച്ച് രക്ഷാപ്രവർത്തനം തുടരണമെന്നും മണ്ണിനും മരത്തടികൾക്ക് ഉള്ളിലെല്ലാം പെട്ടുകിടക്കുന്ന മൃതദേഹങ്ങൾ ഇനിയും കണ്ടെത്താനുണ്ടാവുമെന്നും രക്ഷാപ്രവർത്തനം നടത്തുന്ന നാട്ടുകാർ പറഞ്ഞു.
#Locals #Vellarimala #villageoffice #area #searched #more #bodies #found
