#CPIM | എസ്എഫ്ഐയിൽ ഇനി ഭാരവാഹിത്വത്തിന് പ്രായപരിധിയില്ല; മാനദണ്ഡം എടുത്ത് കളയാൻ സിപിഐഎം തീരുമാനം

#CPIM | എസ്എഫ്ഐയിൽ ഇനി ഭാരവാഹിത്വത്തിന് പ്രായപരിധിയില്ല; മാനദണ്ഡം എടുത്ത് കളയാൻ സിപിഐഎം തീരുമാനം
Jul 20, 2024 07:37 PM | By VIPIN P V

തിരുവനന്തപുരം: (truevisionnews.com) എസ്എഫ്ഐ ഭാരവാഹിത്വത്തിനുള്ള പ്രായപരിധി മാനദണ്ഡം എടുത്ത് കളയാൻ തീരുമാനിച്ച് സിപിഐഎം സംസ്ഥാന നേതൃത്വം.

സംഘടന നിരന്തരം വിവാദത്തിൽ ചാടുന്നത് കണക്കിലെടുത്താണ് എസ്എഫ്ഐ ഭാരവാഹിത്വത്തിനുളള പ്രായപരിധി മാനദണ്ഡം എടുത്തുകളയാൻ സിപിഐഎം നേതൃത്വം തീരുമാനിച്ചത്.

യൂണിവേഴ്സിറ്റി കോളജിലെ കത്തിക്കുത്ത്, പിഎസ്‌സി പരീക്ഷയിലെ തട്ടിപ്പ് തുടങ്ങി അടുത്ത കാലത്ത് എസ്എഫ്ഐ നേതൃത്വം ഉൾപ്പെട്ട വിവാദങ്ങളാണ് പ്രായപരിധി വ്യവസ്ഥ എടുത്തുകളയാൻ കാരണം.

തിരഞ്ഞെടുപ്പ് ഫലം അവലോകനം ചെയ്യാൻ ചേർന്ന സിപിഐഎം സംസ്ഥാന സമിതിയിലെ ചർച്ചയിൽ എസ്എഫ്ഐയുമായി ബന്ധപ്പെട്ട വിഷയങ്ങൾ പ്രധാന ചർച്ചയായിരുന്നു.

സിപിഐഎമ്മിൻ്റെ പ്രതിച്ഛായയെപ്പോലും ബാധിക്കുന്ന നിലയിലേയ്ക്ക് എസ്എഫ്ഐ പ്രതിക്കൂട്ടിലായ വിവാദങ്ങൾ എത്തിയിരുന്നു.

പ്രായപരിധി മാനദണ്ഡം കർശനമായി നടപ്പിലാക്കിയതോടെ പക്വതയില്ലാത്ത നേതൃത്വമാണ് എസ്എഫ്ഐയെ നയിക്കുന്നതെന്ന അഭിപ്രായം സിപിഐഎം സംസ്ഥാന സമിതിയിൽ ഉയർന്നുവന്നു.

എസ്എഫ്ഐ ഓരോ ദിവസവും വിവാദങ്ങളിൽ വീഴാൻ കാരണം അതാണെന്നും പാർട്ടി സംസ്ഥാന സമിതിയിലെ ചർച്ചയിൽ അഭിപ്രായങ്ങൾ ഉയർന്നുവന്നു.

പൂക്കോട് വെറ്റിനറി കോളേജ് വിദ്യാർത്ഥി സിദ്ധാർത്ഥിൻ്റെ മരണം അടക്കമുളള സംഭവങ്ങൾ ചൂണ്ടിക്കാട്ടി കൊണ്ടായിരുന്നു നേതാക്കൾ വിദ്യാർഥി സംഘടനക്കെതിരായ വിമർശനം ഉന്നയിച്ചത്.

എസ്എഫ്ഐ സംസ്ഥാന സെക്രട്ടറി പി എം ആർഷോയുടെ പ്രതികരണങ്ങൾക്കെതിരെയും വിമർശനമുണ്ടായി.എസ്എഫ്ഐയുടെ മുൻകാല നേതാക്കൾ അടക്കം ഉൾപ്പെടുന്ന സംസ്ഥാന സമിതിയിലെ വിമർശനങ്ങളാണ് 25 വയസ്സ് പ്രായപരിധി മാനദണ്ഡം എടുത്തുകളയാൻ പ്രേരണയായത്.

കമ്മ്യൂണിസ്റ്റ് പൈതൃകത്തിന് തന്നെ ചേരാത്ത വിവാദങ്ങളിലാണ് അടുത്തകാലത്തായി എസ്എഫ്ഐ പെടുന്നതെന്നും വിലയിരുത്തലുകളുണ്ടായി.

യൂണിവേഴ്സിറ്റി കോളജിലെ കത്തിക്കുത്ത്, പൊലീസ് നിയമനത്തിനുളള പിഎസ്‌സി പരീക്ഷയിലെ അട്ടിമറി, പാലക്കാട് കോളജിൽ പ്രിൻസിപ്പലിന് ചിത ഒരുക്കിയത്, കൊയിലാണ്ടിയിൽ പ്രിൻസിപ്പലിനെ മർദ്ദിച്ചത്, വ്യാജ സർട്ടിഫിക്കറ്റ് വിവാദം തുടങ്ങി എസ്എഫ്ഐ സിപിഐഎമ്മിനെ പ്രതിരോധത്തിലാക്കിയ സംഭവങ്ങളുടെ ഒരു പട്ടിക തന്നെയുണ്ട്.

പക്വതയുളള നേതൃത്വം വരുന്നതോടെ ഈ പ്രശ്നങ്ങൾക്കെല്ലാം അന്ത്യം കുറിക്കാമെന്ന കണക്കുകൂട്ടലിലാണ് പ്രായപരിധി വ്യവസ്ഥ എടുത്തുകളയുന്നത്.

#SFI #longer #age #limit #office #bearers #CPIM #decision # emove #criteria

Next TV

Related Stories
'തല്ലലും തലോടലും ഒരുമിച്ചുവേണ്ട, ബാബ ബജ്‌രംഗിയാവാൻ നിൽക്കുന്ന മുന്നമാരാണ് സംഘ്പരിവാറുകാർ' - ടി.എൻ പ്രതാപൻ

Apr 21, 2025 11:38 AM

'തല്ലലും തലോടലും ഒരുമിച്ചുവേണ്ട, ബാബ ബജ്‌രംഗിയാവാൻ നിൽക്കുന്ന മുന്നമാരാണ് സംഘ്പരിവാറുകാർ' - ടി.എൻ പ്രതാപൻ

വിശേഷ ദിവസങ്ങളിൽ വിശ്വാസികളെ അക്രമിച്ചും മതാചാരങ്ങൾക്ക് വിലക്ക് ഏർപ്പെടുത്തിയും സംഘ്പരിവാർ ഒരു നരകരാജ്യം നിർമ്മിക്കുകയാണെന്നും പ്രതാപന്‍...

Read More >>
'ബിജെപി നേതാക്കളുടെ വീട്ടിലെ ഒരു പട്ടി പോലും സ്വാതന്ത്ര്യ സമരത്തിൽ ചത്തിട്ടില്ല'; വിവാദ പരാമർശവുമായി ഖർഗെ

Apr 20, 2025 08:57 PM

'ബിജെപി നേതാക്കളുടെ വീട്ടിലെ ഒരു പട്ടി പോലും സ്വാതന്ത്ര്യ സമരത്തിൽ ചത്തിട്ടില്ല'; വിവാദ പരാമർശവുമായി ഖർഗെ

കേസ് ഭരണകക്ഷിയുടെ രാഷ്ട്രീയ വേട്ടയാടലാണെന്ന് ഖാർഗെ വിമര്‍ശിച്ചു. 'കോൺഗ്രസിനെ ലക്ഷ്യം വച്ചാണ് ഇത്...

Read More >>
'പിച്ചാത്തിയുമായി അരമനകളിൽ കയറി ചെല്ലാതിരുന്നാൽ മതി'; രാഹുൽ മാങ്കൂട്ടത്തിലിനെതിരെ പരാതി നൽകി ബിജെപി

Apr 20, 2025 04:58 PM

'പിച്ചാത്തിയുമായി അരമനകളിൽ കയറി ചെല്ലാതിരുന്നാൽ മതി'; രാഹുൽ മാങ്കൂട്ടത്തിലിനെതിരെ പരാതി നൽകി ബിജെപി

ബിജെപി പാലക്കാട് മണ്ഡലം പ്രസിഡന്റിന്റേയും ജനറൽ സെക്രട്ടറിയുടേയും പേരിൽ രണ്ട് പരാതികളാണ് നൽകിയിരിക്കുന്നത്....

Read More >>
'നിലമ്പൂർ ഉപതെരഞ്ഞെടുപ്പ് സ്ഥാനാർത്ഥിത്വവുമായി ബന്ധപ്പെട്ട് കോൺഗ്രസിൽ പ്രശ്നങ്ങളില്ല' - കെസി വേണു​ഗോപാൽ

Apr 20, 2025 11:44 AM

'നിലമ്പൂർ ഉപതെരഞ്ഞെടുപ്പ് സ്ഥാനാർത്ഥിത്വവുമായി ബന്ധപ്പെട്ട് കോൺഗ്രസിൽ പ്രശ്നങ്ങളില്ല' - കെസി വേണു​ഗോപാൽ

നിഷികാന്ത് ദുബൈക്കെതിരെ സുപ്രീംകോടതി സ്വമേധയാ കേസെടുക്കണം. അങ്ങേയറ്റം ഭരണഘടന വിരുദ്ധമായ പ്രസ്താവനയാണ് നിഷികാന്ത് പറഞ്ഞത്....

Read More >>
Top Stories