#DavidWarner | വെടിക്കെട്ട് ബാറ്റിംഗുമായി ക്രിക്കറ്റ് ലോകത്തെ ശ്രദ്ധേയൻ; ഓസീസ് ഓപ്പണര്‍ ഡേവിഡ് വാർണർ വിരമിച്ചു

#DavidWarner | വെടിക്കെട്ട് ബാറ്റിംഗുമായി ക്രിക്കറ്റ് ലോകത്തെ ശ്രദ്ധേയൻ; ഓസീസ് ഓപ്പണര്‍ ഡേവിഡ് വാർണർ വിരമിച്ചു
Jun 25, 2024 09:19 PM | By VIPIN P V

സിഡ്‌നി: (truevisionnews.com) വെടിക്കെട്ട് ബാറ്റിംഗുമായി ക്രിക്കറ്റ് ലോകത്ത് ശ്രദ്ധേയനായ ഓസ്ട്രേലിയൻ ഓപ്പണര്‍ ഡേവിഡ് വാർണർ അന്താരാഷ്ട്ര ക്രിക്കറ്റിൽ നിന്ന് വിരമിച്ചു.

ട്വന്‍റി 20 ലോകകപ്പ് 2024ല്‍ സെമി കാണാതെ ഓസീസ് പുറത്തായതോടെയാണ് 37-ാം വയസില്‍ ഡേവിഡ് വാർണറുടെ അന്താരാഷ്‌ട്ര വിരമിക്കൽ സംഭവിച്ചത്.

ടെസ്റ്റ്, ഏകദിന ഫോര്‍മാറ്റുകളില്‍ നിന്ന് വാര്‍ണര്‍ നേരത്തെ വിരമിച്ചിരുന്നു. വാര്‍ണറുടെ 15 വര്‍ഷം നീണ്ട രാജ്യാന്തര ക്രിക്കറ്റ് കരിയറിനാണ് ഇതോടെ അവസാനമാകുന്നത്.

ക്രിക്കറ്റിന്‍റെ മൂന്ന് ഫോര്‍മാറ്റുകളിലും ഓപ്പണറായി തിളങ്ങിയ താരമാണ് ഡേവിഡ് വാർണർ. ഭയരഹിതമായ ബാറ്റിംഗായിരുന്നു താരത്തിന്‍റെ പ്രധാന സവിശേഷത.

2015, 2023 ഏകദിന ലോകകപ്പിലും 2021 ട്വന്‍റി 20 ലോകകപ്പിലും ഓസ്ട്രേലിയ ജേതാക്കളായപ്പോൾ ടീം അംഗമായിരുന്നു. ഓസീസിന്‍റെ ഐസിസി ലോക ടെസ്റ്റ് ചാമ്പ്യൻഷിപ്പ് കിരീടത്തിലും നിർണായക സാന്നിധ്യമായി.

112 ടെസ്റ്റ് മത്സരങ്ങളില്‍ നിന്ന് 8786 റണ്‍സെടുത്ത വാര്‍ണര്‍ ഏകദിനത്തില്‍ 161 മത്സരങ്ങളില്‍ നിന്നായി 6932 റണ്‍സെടുത്തു.

രാജ്യാന്തര ട്വന്‍റി20 യില്‍ 110 മത്സരങ്ങളില്‍ നിന്നായി 3277 റണ്‍സുമെടുത്തു. അന്താരാഷ്ട്ര ക്രിക്കറ്റിൽ 49 സെഞ്ചുറികളാണ് ഡേവിഡ് വാര്‍ണറുടെ നേട്ടം.

രാജ്യാന്തര കരിയറിലെ അവസാന ഇന്നിംഗ്‌സില്‍ ടീം ഇന്ത്യക്കെതിരെ ആറ് പന്തില്‍ 6 റണ്‍സുമായി പുറത്തായി. പേസര്‍ അര്‍ഷ്‌ദീപ് സിംഗിനായിരുന്നു വിക്കറ്റ്.

ടി20 ലോകകപ്പ് 2024ന്‍റെ സൂപ്പര്‍ 8ല്‍ ബംഗ്ലാദേശിനെ തോല്‍പിച്ച് അഫ്‌ഗാനിസ്ഥാന്‍ സെമിയിലേക്ക് മാര്‍ച്ച് ചെയ്‌തതോടെയാണ് ഓസീസ് ടൂര്‍ണമെന്‍റില്‍ നിന്ന് പുറത്തായത്.

ഇതോടെ ഡേവിഡ് വാര്‍ണറുടെ രാജ്യാന്തര കരിയറിനും വിരാമമാവുകയായിരുന്നു. ട്വന്‍റി 20 ലോകകപ്പോടെ രാജ്യാന്തര കരിയര്‍ മതിയാക്കുമെന്ന് വാര്‍ണര്‍ നേരത്തെ പ്രഖ്യാപിച്ചിരുന്നു.

സെമി കാണാതെ ലോകകപ്പില്‍ നിന്ന് ഓസീസ് മടങ്ങിയതോടെ ഈ ടൂര്‍ണമെന്‍റില്‍ രണ്ട് മത്സരങ്ങള്‍ കൂടി കളിക്കാമെന്ന വാര്‍ണറുടെ പ്രതീക്ഷയ്ക്കും വിരമാമാവുകയായിരുന്നു.

2009ലായിരുന്നു രാജ്യാന്തര ക്രിക്കറ്റിലേക്ക് ഡേവിഡ് വാര്‍ണറുടെ കടന്നുവരവ്. അരങ്ങേറ്റ മത്സരത്തില്‍ 43 പന്തില്‍ 89 റണ്‍സുമായി ശ്രദ്ധനേടി.

#Notable #cricket #world #fireworks #batting #Aussie #opener #DavidWarner #retired

Next TV

Related Stories
#PRSreejesh | വിരമിക്കൽ പ്രഖ്യാപിച്ച് ഇന്ത്യൻ ഹോക്കി ഗോൾ കീപ്പർ പി ആർ ശ്രീജേഷ്

Jul 22, 2024 03:08 PM

#PRSreejesh | വിരമിക്കൽ പ്രഖ്യാപിച്ച് ഇന്ത്യൻ ഹോക്കി ഗോൾ കീപ്പർ പി ആർ ശ്രീജേഷ്

താരത്തിന്റെ നാലാം ഒളിമ്പിക്സാണ്. 2012, 2016, 2020 ഒളിമ്പിക്‌സുകളിലും ഇന്ത്യൻ ​ഗോൾ വലക്ക് ശ്രീജേഷ് ഭദ്രമായ കവലാൾ...

Read More >>
#ENGvsWI | ട്രെന്‍റ്ബ്രിഡ്ജിലെ മേൽക്കൂര പൊളിച്ച് ഷമർ ജോസഫിന്‍റെ പടു കൂറ്റൻ സിക്സ്; ഓട് പൊട്ടിവീണത് കാണികളുടെ തലയിൽ

Jul 20, 2024 07:53 PM

#ENGvsWI | ട്രെന്‍റ്ബ്രിഡ്ജിലെ മേൽക്കൂര പൊളിച്ച് ഷമർ ജോസഫിന്‍റെ പടു കൂറ്റൻ സിക്സ്; ഓട് പൊട്ടിവീണത് കാണികളുടെ തലയിൽ

ഇംഗ്ലണ്ടിനായി ക്രിസ് വോക്സ് നാലു വിക്കറ്റ് വീഴ്ത്തിയപ്പോള്‍ അറ്റ്കിന്‍സണും ഷൊയ്ബ് ബഷീറും രണ്ട് വിക്കറ്റ് വീതം...

Read More >>
#shotdead | ശ്രീലങ്കൻ ക്രിക്കറ്റ് താരം വെടിയേറ്റ് മരിച്ചു, കൊല്ലപ്പെട്ടത് മുൻ അണ്ടർ 19 ടീം ക്യാപ്റ്റൻ ധമ്മിക നിരോഷണ

Jul 17, 2024 01:27 PM

#shotdead | ശ്രീലങ്കൻ ക്രിക്കറ്റ് താരം വെടിയേറ്റ് മരിച്ചു, കൊല്ലപ്പെട്ടത് മുൻ അണ്ടർ 19 ടീം ക്യാപ്റ്റൻ ധമ്മിക നിരോഷണ

2001 നും 2004 നും ഇടയിൽ ഗാലെ ക്രിക്കറ്റ് ക്ലബിനായി നിരോഷണ 12 ഫസ്റ്റ് ക്ലാസ് മത്സരങ്ങളിലും 8 ലിസ്റ്റ് എ മത്സരങ്ങളിലും കളിച്ചു. 2000-ൽ ശ്രീലങ്കയുടെ അണ്ടര്‍ 19...

Read More >>
#GautamGambhir | സീനിയര്‍ താരങ്ങള്‍ക്ക് വിശ്രമം നല്‍കേണ്ടതില്ല; കടുപ്പിച്ച് ഗംഭീര്‍

Jul 16, 2024 01:53 PM

#GautamGambhir | സീനിയര്‍ താരങ്ങള്‍ക്ക് വിശ്രമം നല്‍കേണ്ടതില്ല; കടുപ്പിച്ച് ഗംഭീര്‍

സിംബാബ്‌വെ പരമ്പര കളിച്ച ടീമില്‍ നിന്നും ചില താരങ്ങളും ട്വന്റി 20 ടീമിലെത്തിയേക്കുമെന്നാണ്...

Read More >>
ലൗ യൂ മെസി, മരിയ; ലൗട്ടാരോയുടെ ഗോളില്‍ അര്‍ജന്‍റീനയ്‌ക്ക് കോപ്പ അമേരിക്ക കിരീടം

Jul 15, 2024 10:03 AM

ലൗ യൂ മെസി, മരിയ; ലൗട്ടാരോയുടെ ഗോളില്‍ അര്‍ജന്‍റീനയ്‌ക്ക് കോപ്പ അമേരിക്ക കിരീടം

കളി കയ്യാങ്കളിയായി തുടരുന്നതാണ് പിന്നീടും കണ്ടത്. ഇതിനിടെ 76-ാം മിനുറ്റില്‍ അര്‍ജന്‍റീനയുടെ നിക്കോളാസ് ഗോണ്‍സാലസ് നേടിയ ഗോള്‍ ഓഫ്‌സൈഡായി...

Read More >>
#LionelMessi  | കോപ്പ ഫൈനലില്‍ പരിക്ക്; കണ്ണീരണിഞ്ഞ് മെസ്സിയുടെ മടക്കം

Jul 15, 2024 08:59 AM

#LionelMessi | കോപ്പ ഫൈനലില്‍ പരിക്ക്; കണ്ണീരണിഞ്ഞ് മെസ്സിയുടെ മടക്കം

പിന്നാലെ രണ്ടാം പകുതിയിലും അസ്വസ്ഥത അനുഭവപ്പെട്ട മെസ്സി ഒടുവില്‍ 66-ാം മിനിറ്റില്‍ മൈതാനം വിട്ടു....

Read More >>
Top Stories