(truevisionnews.com)കേരളത്തിലെ വയനാട് ജില്ലയിൽ കബനി നദിയിൽ സ്ഥിതി ചെയ്യുന്ന മനോഹരമായ ഒരു ചെറിയ ദ്വീപാണ് കുറുവദ്വീപ്. വയനാട്ടിലെ വിനോദസഞ്ചാര കേന്ദ്രങ്ങളിൽ ഒന്നു കൂടിയാണിവിടം.
നിശബ്ദതക്കും പ്രകൃതി സൗന്ദര്യത്തിനും പേരുകേട്ട ഈ വിനോദസഞ്ചാര മേഖല വിവിധ ജീവജാലങ്ങളുടെ ആവാസവ്യവസ്ഥ കൂടിയാണ്. വനങ്ങളാൽ മൂടപ്പെട്ട ഈ കേന്ദ്രത്തിൽ യാതൊരു വിധ മാലിനികരണങ്ങളോ ഇല്ല എന്നതാണ് ഈ സ്ഥലത്തിന്റെ പ്രത്യേകത.
.gif)
പ്രകൃതിദത്തമായ ശുദ്ധജലത്താൽ മൂടപ്പെട്ട ഈ സ്ഥലത്തെ മുള ചങ്ങാടങ്ങളും ബോട്ടുകളും വിനോദസഞ്ചാരികളെ ആകർഷിക്കുന്നു.ദ്വീപിൽ പല തരത്തിലുള്ള ഇടതൂർന്ന വനങ്ങളുള്ളതിനാൽ ഗവേഷകരും പ്രകൃതി സ്നേഹികളും പലപ്പോഴും സന്ദർശിക്കാറുണ്ട്.
ചില പ്രദേശങ്ങൾ കാൽനടയായി സന്ദർശിക്കാം. ദ്വീപുകൾ മലിനമാക്കാതെയും കേടുപാടുകൾ കൂടാതെയും നിലനിർത്തുന്നതിൽ വനം വകുപ്പ് ഉദ്യോഗസ്ഥർ വളരെ ശ്രദ്ധയുള്ളവരാണ്‌.
അതിനാൽ, മലിനീകരണമില്ലാത്ത പ്രകൃതിദത്തമായ ചുറ്റുപാടുകൾ തേടുന്ന സഞ്ചാരികൾക്കുള്ള സ്ഥലമാണിത്. കാലാവസ്ഥയും മറ്റ് അരുവികളും അരുവികളിലൂടെയുള്ള ജലത്തിന്റെ ഒഴുക്ക്, നിരവധി ഔഷധസസ്യങ്ങൾ എന്നിവയ്ക്കും വേഴാമ്പലുകൾ, ചിത്രശലഭങ്ങൾ തുടങ്ങിയ നിരവധി ഇനം പക്ഷികൾക്കും കുറുവാദ്വീപ് അനുയോജ്യമായ അന്തരീക്ഷമാക്കി മാറ്റുന്നു.
വ്യത്യസ്‌ത പക്ഷികളുടെ കാഴ്ചകൾ ആസ്വദിച്ച് അവയുടെ കൂടുകെട്ടൽ ശീലങ്ങളെക്കുറിച്ചും ഇണചേരലിനെ കുറിച്ചും അറിയാൻ സാധിക്കുന്നു.
ട്രക്കിങ് , നീന്തൽ, വിദേശ പക്ഷികളുടെ നിരീക്ഷണം എന്നിവയെല്ലാം ഇവിടെ സാധ്യമാണ്. ഈ ദ്വീപ് പൂർണമായും ജനവസമില്ലാത്തതിനാൽ മഴക്കാലത്ത് സമീപ വനങ്ങളിൽ നിന്നുള്ള ആനകൾ കുറുവ ദ്വീപിലൂടെ കടന്നുപോകുന്നു.
മൺസൂൺ കാലം കുറുവാദ്വീപിലേക്കുള്ള യാത്ര പ്രതിക്കൂലമാകുന്നതിനാൽ മഴ ഇല്ലാത്ത സമയം അവിടേക്ക് പോകുന്നതാണ് ഏറ്റവും അനുയോജ്യം.
രാത്രി ക്യാമ്പിംഗിന് അനുയോജ്യമായ സ്ഥലമാണ് കുറുവാദ്വീപ്. വയനാട്ടിൽ തീർച്ചയായും കണ്ടിരിക്കേണ്ട ഒരു പ്രകൃതിരമണീയമായ ഭൂപ്രദേശമാണിത്.
a#trip #Wayanad #very #own #Kuruvadweep #surrounded #herbs
_(15).jpeg)
.png)
