തിരുവനന്തപുരം: ( www.truevisionnews.com ) മെഡിക്കൽ കോളേജിൽ യുവാവിന് ക്രൂരമായി മർദ്ദനമേറ്റു. വിളപ്പിൽശാല സ്വദേശി അനന്ദുവിനാണ് മർദനമേറ്റത്. മെഡിക്കൽ കോളേജ് പോലീസ് അന്വേഷണം ആരംഭിച്ചു.
ഉച്ചയോടെ ആയിരുന്നു യുവാവിന് ക്രൂരമർദ്ദനമേറ്റത്‌.
പോലീസ് പറയുന്നത്; യുവാവ് കഴിഞ്ഞ കുറച്ചു ദിവസങ്ങളായി വീട്ടിൽ നിന്ന് പിണങ്ങി മാറി നിൽക്കുകയാണ്.
മെഡിക്കൽ കോളേജ് പരിസരത്ത് അലഞ്ഞ് തിരിഞ്ഞ് നടക്കുകയും അവിടെ നിന്ന് തന്നെ ആഹാരം കഴിക്കുകയും താമസമാക്കുകയും ചെയ്യുന്ന സാഹചര്യമായിരുന്നു.
മെഡിക്കൽ കോളേജ് പരിസരത്തുള്ളവർ തന്നെയാണ് യുവാവിനെ മർദിച്ചതെന്നാണ് പോലീസ് പറയുന്നത്. തടി അടക്കം ഉപയോഗിച്ചാണ് അനന്ദുവിനെ ക്രൂരമായി മർദിക്കുന്നത്.
അടിയേൽക്കുമ്പോൾ യുവാവ് ആർത്തുകരയുന്നതും ദൃശ്യങ്ങളിൽ കേൾക്കാം. മ്യൂസിയം പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
#mob #attack #youth #thiruvananthapuram #medical #college
