കണ്ണൂർ: (truevisionnews.com) മുഖ്യമന്ത്രി പിണറായി വിജയനെ കേന്ദ്ര സര്ക്കാര് ഇതുവരെ ജയിലില് ആക്കാത്തത് എന്തുകൊണ്ടാണെന്ന് കോൺഗ്രസ് നേതാവ് രാഹുല് ഗാന്ധി.
രാജ്യത്ത് ബിജെപിയെ എതിർക്കുന്ന രണ്ട് മുഖ്യമന്ത്രിമാര് ജയിലിലാണ്. പക്ഷേ പിണറായി വിജയന് ഒന്നും സംഭവിക്കുന്നില്ല.
ഒരാള് ബിജെപിയെ ആക്രമിച്ചാല് 24 മണിക്കൂറിനകം തിരിച്ച് ആക്രമിക്കുന്നതാണ് അവരുടെ ശൈലി. വിമർശനവും എതിർപ്പും സത്യസന്ധമായാൽ മാത്രമേ ബിജെപി പിന്നാലെ വന്ന് ആക്രമിക്കൂവെന്ന് രാഹുൽ ഗാന്ധി പറഞ്ഞു.
കേരളത്തിലെ മുഖ്യമന്ത്രി 24 മണിക്കൂറും തന്നെ ആക്രമിക്കുകയാണെന്നും രാഹുൽ കുറ്റപ്പെടുത്തി. അദാനിക്കെതിരെ പ്രസംഗിച്ചതിനു പിന്നാലെ തന്നെ ലോക്സഭയില് നിന്ന് പുറത്താക്കി.
താന് താമസിച്ചിരുന്ന വീട്ടില് നിന്നു പോലും പുറത്താക്കി. ഇന്ത്യ മുഴുവന് തനിക്ക് വീടുണ്ടെന്നും മോശപ്പെട്ട വീട്ടില് നിന്ന് പുറത്താക്കിയതില് സന്തോഷമേയുള്ളൂവെന്നും അദ്ദേഹം കൂട്ടിച്ചേര്ത്തു.
#Two #ChiefMinisters #Jail: #Why #central #government #Pinarayi #jail? - #RahulGandhi